कास्कीमा अमेरिकन फौजी किराको प्रकोप

राष्ट्र न्यूज सम्वाददाता
वैशाख २८, २०७८
kira 1

पोखरा, २८ वैशाख । कास्कीमा अमेरिकन फौजी किराको प्रकोप बढेको छ ।

विगत १० दिनदेखि यस किराले कास्कीमा लगाइएको मकै सखाप पार्न थालेपछि कृषक चिन्तित छन् । यो किराको प्रकोप पाखाबारीमा बढी र तल्लो भेकका बारीमा कम छ ।

यसले मकै बढी मनपराउँछ । फौजी किराको प्रकोप मौसममा भर पर्ने बताइएको छ । लगातार वर्षा भए छिट्टै हराउने भएपनि वर्षा लगत्तै खडेरी परेमा झन् बढेर जानेछ ।

यतिबेला पाखा बारीमा लगाइएको मकै भर्खरै हुर्कने क्रममा र तल्लो भेकको मकैमा धान चमरा निस्कन सुरु गरेको छ । किराको प्रकोप बढेसँगै कृषि ज्ञान केन्द्रले अनुगमनसँग निणयन्त्रका उपाय बारे कृषकलाई जानकारी गराउन थालेको छ ।

‘कास्कीमा मकै खेती गरिएको सबै क्षेत्रमा पुगेर किराको प्रकोप बारे जानकारी लिएको छु’, कृषि ज्ञान केन्द्र कास्कीका प्रमुख शालिकराम अधिकारीले भन्नुभयो, ‘मौसम हेर्दा किराको प्रकोप अझै बढ्ने देखिएकाले नियन्त्रण गर्न सक्रिय छौं।’

उहाँले कृषि प्राविधिकसँग तुरुन्त सम्पर्क गरी किरा नियन्त्रणका लागि सुरक्षित रुपमा विषादी प्रयोग गर्न कृषकहरुलाई आग्रह गर्नुभयो ।

उहाँले किरा नियन्त्रणका लागि क्लोरानट्रानीलिप्रोल वा ईमामेक्टिन बेन्जोयट वा स्पाइनोस्याड भन्ने विषादी प्रयोग गर्न सकिने जानकारी दिनुभयो ।

नेपालमा विगत २ वर्ष अघि देखि यो किरा भेटिएको हो । कास्कीमा पोहोर पनि फाट्टफुट्ट रुपमा किरा भेटिएको भएपनि अहिले जस्तो ठूलो समस्याका रुपमा नरहेको केन्द्र प्रमुख अधिकारीको भनाइ छ ।

कास्कीमा करीब १५ हजार हेक्टर क्षेत्रफलमा मकै खेती छ ।

Related News

सम्बन्धित समाचार

  • स्व. लक्ष्मीसुन्दरी कर्माचार्यको स्मृतिमा सहयोग कोष

    राष्ट्र न्यूज सम्वाददाता फागुन ११, २०८०
    पोखरा, ११ फागुन । पोखरेली घराना कर्माचार्य हाउसका अध्यक्ष एवं लेखनाथ उद्योग वाणिज्य संघका संस्थापक अध्यक्ष चन्द्रकृष्ण कर्माचार्यले आफ्नी पत्नी…
  • लागू औषध गाँजासहित एक पक्राउ

    राष्ट्र न्यूज सम्वाददाता फागुन ८, २०८०
    पोखरा, ८ फागुन । प्रहरीले लागू औषध गाँजासहित एक जनालाई पक्राउ गरेको छ । प्रहरीले मकवानपुरको हेटौडा नगर पालिका वडा…
  • महेन्द्रपुलमा फहरिए संसार भरिका झन्डाहरू

    राष्ट्र न्यूज सम्वाददाता फागुन ७, २०८०
    पोखरा, ७ फागुन । पोखराको महेन्द्रपुलमा अन्तर्राष्ट्रिय झन्डा पार्क निर्माण गरिएको छ । लायन्स क्लब इन्टरनेश्नलको आर्थिक सहयोगमा पोखरा महानगरपालिकाले…
  • सोंथर बेँसी टारी बजार मेला सकियो

    राष्ट्र न्यूज सम्वाददाता फागुन ५, २०८०
    पोखरा, ५ फागुन । कास्कीको मादी गाउँपालिका वडा नम्बर ८ नागीधार पाखुरीकोट गाउँ र १० भाचोक गाउँको संगम बेँसीको रुपमा…
  • पोखरा म्याराथनको तयारी पूरा, ५० विदेशीको सहभागिता रहने

    राष्ट्र न्यूज सम्वाददाता फागुन ४, २०८०
    पोखरा, ४ फागुन । नेपाल भुतपुर्व खेलाडी मञ्चको आयोजनामा हुने १८ औं संस्करणको सफल पोखरा अन्तर्राष्ट्रिय म्याराथनको तयारी पूरा भएको…

Archives

Archives