पोखरा, २४ वैशाख । नेपाली काँग्रेस पोखरा महानगरपालिका वडा नंं १ का पूर्व सभापति कृष्णमान गुभाजुको बिहीबार निधन भएको छ ।
कोरोना संक्रमणका कारण ६१ वर्षीय गुभाजुको पुल्चोकको अल्का अस्पतालमा निधन भएको हो । स्वर्गीय गुभाजुका एक श्रीमती, २ छोरा, १ छोरी र चार दाजुभाइ हुनुहुन्छ ।
यसैबीच नेपाली काँग्रेस कास्कीले शुक्रबार शोक विज्ञप्ति प्रकाशित गरी गुभाजुको निधनप्रति दुःख व्यक्त गरेको छ ।
पार्टी सभापति कृष्ण केसीद्धारा जारी विज्ञप्तिमा नेपाली काँग्रेसको संगठन निर्माण र नेपालको लोकतान्त्रिक आन्दोलनमा गुभाजुले खेलेको भूमिकाको स्मरण गर्दै गुभाजुको निधनले पार्टीलाई अपूरणीय क्षती भएको उल्लेख गरिएको छ ।
विज्ञप्तिमा गुभाजुको निधनले पार्टीले एक होनाहार, इमान्दार र निष्ठावान व्यत्तित्व गुमाएको उल्लेख छ ।
विज्ञप्तिमा दिवंगत आत्माको चिरशान्तिको कामना गर्दै शोकसन्तप्त परिवारजनप्रति समवेदना व्यक्त गरिएको छ ।
Related News
सम्बन्धित समाचार
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न
कालिका माविको ४२ औँ वार्षिकोत्सवमा ३ जनालाई वर्ष सम्मान