पोखरा,२२ वैशाख । अन्योलमा रहेको गण्डकी प्रदेशको विशेष अधिवेशनको अर्काे बैठक बैशाख २७ गते बस्ने भएको छ ।
आज बसेको कार्यव्यवस्था परामर्श समिति बैठकले २७ गते ११ बजे बस्ने निर्णय गरेको हो ।
सत्तापक्ष र प्रतिपक्ष समेतको सहमतिमा बैठक आह्वान गरिएको हो । सत्तापक्षले यसअघि जेठ लागेपछि बैठक बोलाउन भनेको थियो । विपक्षीले भने जतिसक्दो छिटो बैठक बोलाउन दवाव दिएका थिए ।
दुवैपक्ष अडानमा लागेपछि मध्यमार्गी मिति खोजिएको सत्तारुढ सांसद मायानाथ अधिकारीले बताउनभयो । कोभिड लागेका सांसदलाई अलग्गै बस्ने व्यवस्था मिलाएर संसद बैठक बस्ने सभामुखले बताउनुभयो । कोभिड लागेका सांसदले बोल्न नपाएपनि भोट भने हाल्न पाउनु हुनेछ ।
बैठकमा मुख्यमन्त्रीको साटो अधिकारप्राप्त मन्त्रीले मुख्यमन्त्रीको तर्फबाट जवाफ दिनुहुने छ । । मुख्यमन्त्री गुरुङ अहिले कोरोना लागेर होम आइसोलेसनमा हुनुहुन्छ । मुख्यमन्त्री पृथ्वीसुब्बा गुरुङविरुद्ध अविश्वास प्रस्ताव दर्ता भएकै दिन कांग्रेस सहित ३ दलले विशेष अधिवेशन मागेर प्रदेश प्रमुखकोमा पत्र दर्ता गरेका थिए ।
त्यही आधारमा वैशाख १३ गते विशेष अधिवेशन सुरु भएको हो । वैशाख १५ गते अविश्वासको प्रस्तावमाथि मतदानको कार्यसूची रहे पनि जनमोर्चाका सांसद खीमविक्रम शाही हराएको सूचना पाएपछि सभामुखले वैठक स्थगित गर्नुभएको थियो । त्यसपछि सत्तापक्षले यो कदमको विरोध गर्दै आएको थियो ।
गण्डकी प्रदेशमा कुल ६० सांसद छन् । तीमध्ये नेकपा एमालेका २७ जना, काँग्रेसका १५, माओवादी केन्द्रका १२, राष्ट्रिय जनमोर्चा नेपाल (राजमो) का ३, जनता समाजवादी पार्टी (जसपा) का २ र स्वतन्त्र १ जना सांसद छन् ।
गत वैशाख २ गते प्रमुख प्रतिपक्षी काँग्रेस, माओवादी केन्द्र, जसपाका गरी २८ सांसदले प्रदेशसभा सचिवालयमा मुख्यमन्त्री विरुद्ध अविश्वास पत्र दर्ता गर्दै विशेष अधिवेशन माग गरेका थिए ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives