खडेरीका कारण खेतीबाली सुके, पानी माग्दै पूजा

राष्ट्र न्यूज सम्वाददाता
वैशाख २०, २०७८
puja

पोखरा, २० वैशाखः लामो समयको खडेरीका कारण खेतीबाली सुक्न थालेपछि पोखरा महानगरपालिका वडा नं ३३ भरतपोखरीका विभिन्न स्थानमा शनिबार समूहिक पूजा गरिएको छ ।

स्थानीय सिलिङ्गे चेतना महिला समूहको प्रमुख सङ्कल्पमा यहाँका साविक भरतपोखरी गा.वि.स.का वडा नं ५ र ६ मा पर्ने चण्डी देउराली, कोटभैरव, नाउरुङ, व्यार्थोक र मैदानमा छुट्टाछुट्टै पूजा गरी पानी मागिएको समूहकी सचिव सीता केसी महतले जानकारी दिनुभयो ।

परापूर्व कालदेखि लामो समय खडेरी परेमा यहाँका यी शक्तिपीठहरूमा सामूहिक पूजाआजा, भजनकीर्तनसहित पानी माग्ने प्रचलन रहेको उहाँले जानकारी दिनुभयो ।

पूजाआजा सहित पानी मागेका अवस्थामा न्युनत एक हप्ता भित्रमा पानी पर्ने गरेको जनविश्वास कायमै रहेको छ ।

सामूहिक पूजाकै अवसर पारी स्थानीय विष्णु पौडेलले आफ्नी छोरी स्व. आरती पौडेलको स्मृतिमा चण्डी देउराली मन्दिरमा घण्टी प्रदान गर्नुभएको समूहकी अध्यक्ष कर्णकुमारी महतले जानकारी दिनुभयो ।

लामो समयदेखि पानी नपरेका कारण खेतबारी लगाइएको मकै लगायत अन्य तरकारी बाली सुक्न थालेपछि कृषकहरू समस्यामा परेका छन् ।

खडेरीकै कारण वरपरका प्राकृतिक जलाशयमा समेत पानी सुक्दै जाँदा दैनिकी सञ्चालनमा समेत समस्या परेको स्थानीयको दुःखेसो छ ।

यहाँका कोटभैरव, चण्डी देउराली लगायतका शक्तिपीठको अस्तित्व नेपालका वाइसे चौवीसे राजाका पालादेखि नै भएको मानिने भएकोले सामाूहिक पूजाआजा सहित पानी माग्ने प्रचलन पनि त्यही समयदेखि नै भएको हुनसक्ने बुढापाकाको भनाइ छ ।

Related News

सम्बन्धित समाचार

  • नारायणगढ–मुग्लिन सडक ः १७ ठाउँ उच्च जोखिममा

    रासस असार १५, २०७९
    चितवन, १५ असार (रासस) ःनारायणगढ–मुग्लिन सडक खण्डका १७ ठाउँ पहिरोको हिसाबले उच्च जोखिममा देखिएको छ । यस वर्षको वर्षातसँगै ती…
  • भारी वर्षाको सम्भावना

    रासस असार १५, २०७९
    काठमाडौँ, १५ असार (रासस):मनसुनी वायुको प्रभावले देशभर आङ्शिकदेखि पूर्ण बदली रही केही स्थानमा भारी वर्षा हुने भएको छ । जल…
  • सडकमा खानेकुरा बेच्न निषेध

    रासस असार १४, २०७९
    काठमाडौँ, १४ असार (रासस) :काठमाडौँ महानगरपालिकाले आजदेखि सडकमा खानेकुरा बेच्न निषेध गरेको छ । हैजा नियन्त्रणका लागि भन्दै महानगरपालिकाले उक्त…
  • चट्याङ लागेर दुईको मृत्यु

    रासस असार १४, २०७९
    महेन्द्रनगर, १४ असार (रासस) :कञ्चनपुरको पुनर्वास नगरपालिकामा आज बिहान चट्याङ लागेर दुई जनाको मृत्यु भएको छ । वर्षासँगै चट्याङ पर्दा…
  • हवाई उडान प्रभावित

    रासस असार १४, २०७९
    काठमाडौँ, १४ असार (रासस) :प्रतिकूल मौसमका कारण मुलुकको हवाई उडान सामान्य प्रभावित भएको छ । भारी वर्षाले बिराटनगर, पोखरा, भैरहवा,…