सीपमूलक तालिममा युवाको आकर्षण, तालिमपछि कोही व्यवसायमा, कोही स्वरोजगार

राष्ट्र न्यूज सम्वाददाता
वैशाख १२, २०७८
Talim 1

पोखरा, १२ वैशाख । पछिल्लो समय सीपमूलक तालिममा युवाहरुको आकर्षण बढेर गएको छ ।

तालिमपछि स्वरोजगार र अन्य व्यवसायमा समेत अवसरको ढोका खुल्ने भएपछि युवाहरु आकर्षित बनेका हुन् ।

पोखराको विरौटास्थित व्यवसायिक तथा सीप विकास तालिम केन्द्र गण्डकी प्रदेश कार्यालयमा सीपमूलक तालिम बारे चासो लिएर दैनिक करीब ५० जना युवाहरु पुग्ने गरेका छन् ।

विदेशबाट फर्केका, कोभिड प्रभावित, आर्थिक अवस्था कमजोर भएका र स्वरोगजार बन्न चाहनेहरु तालिमप्रति बढी आकर्षित भएको केन्द्र प्रमुख अनिल सुवेदीले जानकारी दिनुभयो । १८ देखि २५ वर्ष उमेर समूहका युवा तालिमप्रति बढी आकर्षित छन्।

केन्द्रले छोटो (१५दिन) र लामो (४५दिनदेखि तिन महिना) अवधीका तालिम संचालन गर्दै आएको छ । यो आर्थिक वर्ष अहिलेसम्म करीब ४ सय ५० जनाले तालिम लिइसकेका छन् ।

तालिम केन्द्रले भिडियोग्राफी, प्लम्बिङ, विद्युत जडान, मोवाइल मर्मत, बुटिक डिजाइन, मन्टेश्वरी, सैलुन, कम्यूटर मर्मत, कुक, ग्रील जडान लगायतका २२ प्रकारमा तालिम संचालन गर्दै आएको प्रशासन शाखा प्रमुख राजन तिमिल्सिनाले जानकारी दिनुभयो।

चालु आर्थिक वर्ष गण्डकी प्रदेशका एक हजार चार सय जनालाई सीपमूलक तालिम दिने कार्यालयको लक्ष्य रहेको छ । तालिमका लागि करीब एक करोड रुपैयाँ खर्च हुने छ । मन्टेश्वरी, व्यूटिपार्लर, मोवाइल मर्मत, कुक र भिडियोग्राफी तालिमको माग बढी छ ।

संघ र प्रदेश सरकारको प्राथमिकतामा सीपमूलक तालिम परेको केन्द्र प्रमुख सुवेदीको भनाइ छ ।

तालिम लिएकामध्ये ८० प्रतिशतमा व्यवसायमा आवद्व भैसकेको बताइएको छ । त्यस्तै, स्वरोजगार बन्नेको संख्या पनि उलेख्य छ ।

Related News

सम्बन्धित समाचार

  • गण्डकी प्रदेशको शिक्षा नमुना बनाउनुपर्छ – श्रेष्ठ

    राष्ट्र न्यूज सम्वाददाता श्रावण २१, २०७८
    पोखरा, २१ साउन । गण्डकी प्रदेश सरकार शिक्षा, संस्कृति, विज्ञान प्रविधि तथा सामाजिक विकास मन्त्री मेखलाल श्रेष्ठले गण्डकी प्रदेशको शिक्षा…
  • करेन्ट लागेर दाजुभाइको मृत्यु

    रासस श्रावण २१, २०७८
    बैतडी, २१ साउन (रासस) । जङ्गली बँदेलका लागि छाडिएको करेन्ट लागेर बैतडीमा दुई जनाको मृत्यु भएको छ । मृत्यु हुनेमा…
  • सङ्क्रमितले भरिए अस्पताल

    रासस श्रावण २०, २०७८
    झापा, २० साउन (रासस) । विज्ञहरुले कोरोनाको तेस्रो लहर छिट्टै आउने चेतावनी दिइरहेका बेला झापाका कोभिड अस्पतालहरु सङ्क्रमितले भरिभराउ भएका…
  • मन्त्रिपरिषद्ले ग¥यो यस्तो निर्णय

    रासस श्रावण १९, २०७८
    काठमाडौँ, १९ साउन (रासस) । सरकारले शिक्षक सेवा आयोगको अध्यक्षमा मधुप्रसाद रेग्मीलाई नियुक्त गरेको छ । मन्त्रिपरिषद्को आजको बैठकले आयोगको…
  • सङ्क्रमण बढ्यो, उपत्यकाका अस्पताल भरिए

    रासस श्रावण १९, २०७८
    शरद शर्मा काठमाडौँ, १९ साउन (रासस) : काठमाडौँ उपत्यकामा कोरोना भाइरसको सङ्क्रमण बढेसँगै अस्पताल भर्ना हुने बिरामी पनि ह्वात्तै बढेका…