कास्की काँग्रेस सभापति केसीलाई कोरोना संक्रमण पुष्टि,शिघ्र स्वास्थ्यलाभको कामना

राष्ट्र न्यूज सम्वाददाता
वैशाख ७, २०७८
krishana k c

पोखरा । नेपाली काँग्रेस कास्कीका सभापति कृष्ण केसीलाई कोरोना भाइरस संक्रमण पुष्टि भएको छ ।

आफ्ना पिताको देहवासन भएर काजकीरियामा रहेकै अवस्थामा अस्वस्थ भएर सोमबार राति अस्पताल भर्ना हुनु भएका केसीमा मङ्गलबार कोरोना संक्रमण पुष्टि भएको हो ।

उपचारकै क्रममा परीक्षण गराउँदा केसीमा कोरोना पोजेटिभ देखिएको हो । सभापति केसीमा कोरोना पोजेटिभ देखिए पनि  परिवारका सबै सदस्यको रिपोर्ट नेगेटिभ आएको छ ।

सभापति केसीका छोरा सरोज केसीले दिएको जानकारी अनुसार उहाँको स्वास्थ्य अवस्था सामान्य रहेको छ । उनको पोखरास्थित चरक मेमोरियल अस्पतालको आइसोलेशनमा उपचार भइरहेको छ । यसैबीच, कास्की काँग्रेसले सभापति केसीको शिघ्र स्वास्थ्य लाभको कामना गरेको छ ।

कास्की कांग्रेसका प्रवक्ता नवीन सिग्देलले सभापति केसीसँग भेटघाटका  लागि भीड नगर्न आग्रह गर्नु भएको छ ।

सभापति केसीको शीघ्र स्वास्थ्य लाभको कामना गर्दै प्रवक्ता सिग्देलले उहाँ छिट्टै कोरोना मुक्त हुने विश्वास व्यक्त गर्नु भएको छ ।

Related News

सम्बन्धित समाचार

Archives

Archives