गण्डकी प्रदेशका ३४ जना वेपत्ता परिवारलाई परिचय पत्र

राष्ट्र न्यूज सम्वाददाता
वैशाख ७, २०७८
Satya ayog

पोखरा, ७ वैशाख । सत्य निरुपण तथा मेलमिलाप आयोगले गण्डकी प्रदेशका ३४ जना वेपत्ता परिवारलाई परिचय पत्र वितरण गरेको छ ।

आयोगद्वारा पोखरामा आज आयोजित छलफलमा आयोगका अध्यक्ष गणेशदत्त भट्टले प्रदेशका ३४ जना वेपत्ता परिवारलाई परिचय पत्र वितरण गरेको जानकारी दिनुभयो ।
आयोगले आगामी असार मसान्तसम्म तीन हजार ७८७ मुद्दा किनारा लगाउने तयारी समेत गरेको छ । २०५२ साल फागुन १ गतेदेखि २०६३ मङ्सिरसम्मका कुल ६३ हजार ७१८ मुद्दा दर्ता भएको थियो ।

आयोगमा जिम्मेवारी पाएसँगै निरन्तर काम गरेकोे बताउँदै उहाँले विश्वव्यापी फैलिएको कोरोना महामारीले आयोगका काम कारवाहीमा असर पारेको बताउनुभयो ।

आयोगले ७४७ मुद्दामा निर्णय गरिसकेको बताउँदै अध्यक्ष भट्टले मुद्दाको सुनुवाइ हुने र पीडकले छुटकारा नपाउने उल्लेख गनुभयो ।

आयोगका सदस्य मन दाहालले आयोगमा प्राप्त उजुरीका आधारमा कानून प्रदत्त अधिकारका आधारमा त्यसको छानविन गर्दै किनारा लगाउनेतर्फ आयोग क्रियाशील रहेको जानकारी दिनुभयो ।

आयोगका सचिव तोयानाथ अधिकारीले प्राप्त उजुरीका आधारमा आवश्यक छानविन सहित निष्कर्षमा पुग्ने बताउनुभयो ।

कार्यक्रममा द्वन्द्व पीडितका तर्फबाट कृष्णप्रसाद पराजुली, अणनाथ बराल र सुमित्रा केसीले द्वन्द्वकालिन समयमा परिवारका सदस्य गुमाउनुपरेको पीडा तथा भोग्नुपरेका समस्यामा राज्यले सम्बोधन गर्न नसक्दा दुःख लागेको बताउँदै आँफूजस्ता पीडितलाई उचित न्याय दिलाउन आयोगको ध्यानाकर्षण गराउनुभयो ।

Related News

सम्बन्धित समाचार

  • डुबेर दुई बालबालिकाको मृत्यु

    रासस श्रावण २७, २०७९
    बनियानी, २७ साउन (रासस) :झापाको शिवसताक्षी नगरपालिका–९ स्थित कन्काई नहरमा पौडी खेल्न गएका दुई बालबालिकाको बिहीबार डुबेर मृत्यु भएको छ…
  • फेवातालमा श्री श्री राधाकृष्ण बोट फेष्टिबल

    राष्ट्र न्यूज सम्वाददाता श्रावण २६, २०७९
    पोखरा, २६ साउन । नेपाल अन्तर्राष्ट्रिय कृष्णभावनामृत संघ पोखरा शाखाले पोखरामा बिहीबार भगवान् श्री श्री राधाकृष्ण बोट फेष्टिबल गरेको छ…
  • एम्बुलेन्सको ठक्करबाट मृत्यु

    रासस श्रावण २६, २०७९
    बाग्मती, २६ साउन (रासस):हेटौँडाबाट मनहरितर्फ गइरहेको ना२च ४१६१ नंको एम्बुलेन्सको ठक्करबाट मनहरि गाउँपालिका–९ को खरङ्गामा एक जना पैदलयात्रीको घटनास्थलमै मृत्यु…
  • विद्यार्थी बेहोस् हुन थालेपछि पठनपाठन प्रभावित

    रासस श्रावण २५, २०७९
    बैतडी, २५ साउन (रासस) ःबैतडीको तल्लो स्वराडका विद्यार्थी बेहोस् हुने समस्या आएपछि पठनपाठन प्रभावित भएको छ । मेलौली नगरपालिका–७ स्थित…
  • सङ्क्रमण बढेपछि विद्यालय बन्द

    रासस श्रावण २५, २०७९
    भोजपुर, २५ साउन(रासस) :कोराना भाइरस सङ्क्रमण बढेपछि भोजपुरको टेम्केमैयुङ गाउँपालिकाका सम्पूर्ण विद्यालय बन्द गरिएका छन् । गाउँपालिकाले मङ्गलबारदेखि छ दिनका…