पोखरा, ६ वैशाख । नेपाली काँग्रेसकी केन्द्रीय सदस्य डा. डीला संग्रौलाले कम्युनिष्टले संसदीय व्यवस्थाको खिल्ली उडाएको टिप्पणी गर्नु भएको छ ।
नेपाल प्रेस युनियन कास्कीले पोखरामा सोमबार आयोजना गरेको पत्रकार सम्मेलनमा बोल्दै डा. संग्रौलाले दुइतिहाइ नजिकको सरकार चलाउन नसकेर नेपालको राजनीतिलाई अस्थिरतामा धेकेलेको आरोप लगाउनुभयो ।
उहाँले देशलाई निकास दिने काँग्रेसको दायित्व भएको हुँदा ओली सरकार विस्थापित गरेर छिट्टै काँग्रेसले सरकारको नेतृत्व लिन उल्लेख गर्नुभयो ।
प्रदेशहरुमा देखिएको कम्युनिष्टको दोधारे चरित्रले संसदीय पद्दति प्रणालीमाथि नै प्रश्नचिन्ह उठेको अवस्थामा व्यवस्था बलियो बनाउन काँग्रेसको नेतृत्व आवश्यकता रहेको उहाँको भनाइ थियो ।
पार्टीको महाधिवेशनको क्रममा गण्डकी प्रदेशका विभिन्न जिल्लाको भ्रमणमा रहनु भएकी नेतृ संग्रौलाले महाधिवेशन तोकिएकै मितिमा हुने दाबी गर्नुभयो ।
युनियन जिल्ला अध्यक्ष नवीन सिग्देलको अध्यक्षतामा भएको कार्यक्रममा उपाध्यक्ष प्रकाशचन्द्र सापकोटाले स्वागत र सचिव प्रदीप पौडेलले संचालन गर्नु भएको थियो ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives