पत्रकार महासङ्घको निर्वाचनका लागि लोकतान्त्रिक समूहको उम्मेदवारी घोषणा

रासस
चैत्र १९, २०७७
fnj

काठमाडौँ, १९ चैत (रासस) । नेपाल पत्रकार महासङ्घको आसन्न निर्वाचनका लागि लोकतान्त्रिक, प्रगतिशील, समावेशी समूहले आफ्नो उम्मेदवारी घोषणा गरेको छ ।

नेपाल प्रेस युनियन, प्रेस सेन्टर, प्रेस चौतारी नेपाललगायत ११ सङ्गठनले बुधबार राजधानीमा आयोजना गरेको कार्यक्रममा विपुल पोखरेलको नेतृत्वमा रहेको समूह घोषणा गरिएको हो ।

कार्यक्रममा अध्यक्ष पदका उम्मेदवार पोखरेलले प्रेस स्वतन्त्रता, लोकतन्त्र, अभिव्यक्ति स्वतन्त्रताका लागि साझारूपमा चुनावी मैदानमा उत्रिएको बताए ।

कार्यक्रममा प्रेस युनियनका अध्यक्ष बद्री सिग्देल, प्रेस सेन्टरका अध्यक्ष महेश्वर दाहाल, प्रेस चौतारी नेपालका उपाध्यक्ष विश्वमणि सुवेदी, युनियनका महासचिव अजयबाबु शिवाकोटी, प्रेस सेन्टरका लक्ष्मी पुनलगायतले प्रतिगमनका विरुद्ध अग्रगामी सोच भएका पत्रकार मिलेर २६ औँ महाधिवेशनमा उम्मेदवारी दिएकाले मतदान गर्न आह्वान गरेका थिए ।

कार्यक्रममा वरिष्ठ उपाध्यक्ष पदका उम्मेदवार रमेश विष्टलाई समर्थन गर्दै सोही पदका उम्मेदवार ध्रुव लम्सालले उम्मेदवारी फिर्ता लिएका थिए ।

यसैगरी कोषाध्यक्ष पदका उम्मेदवार प्रकाश थापा, सचिव पदका उम्मेदवार नकुल अर्याललगायतले उम्मेदवारी फिर्ता लिएर लोकतान्त्रिक समूहलाई सहयोग गर्ने घोषणा गर्दै विजयी बनाउन लागिपर्ने बताए ।

Related News

सम्बन्धित समाचार

  • हेमजा साहित्य प्रतिष्ठानमा स्रष्टा सम्मान

    राष्ट्र न्यूज सम्वाददाता फागुन १२, २०८०
    पोखरा, १२ फागुन । हेमजा साहित्य प्रतिष्ठान नेपालले अन्तर्राष्ट्रिय मातृभाषा दिवसको सन्दर्भ पारेर विविध कार्यक्रम सम्पन्न गरेको छ । संस्थाले…
  • स्व. लक्ष्मीसुन्दरी कर्माचार्यको स्मृतिमा सहयोग कोष

    राष्ट्र न्यूज सम्वाददाता फागुन ११, २०८०
    पोखरा, ११ फागुन । पोखरेली घराना कर्माचार्य हाउसका अध्यक्ष एवं लेखनाथ उद्योग वाणिज्य संघका संस्थापक अध्यक्ष चन्द्रकृष्ण कर्माचार्यले आफ्नी पत्नी…
  • लागू औषध गाँजासहित एक पक्राउ

    राष्ट्र न्यूज सम्वाददाता फागुन ८, २०८०
    पोखरा, ८ फागुन । प्रहरीले लागू औषध गाँजासहित एक जनालाई पक्राउ गरेको छ । प्रहरीले मकवानपुरको हेटौडा नगर पालिका वडा…
  • महेन्द्रपुलमा फहरिए संसार भरिका झन्डाहरू

    राष्ट्र न्यूज सम्वाददाता फागुन ७, २०८०
    पोखरा, ७ फागुन । पोखराको महेन्द्रपुलमा अन्तर्राष्ट्रिय झन्डा पार्क निर्माण गरिएको छ । लायन्स क्लब इन्टरनेश्नलको आर्थिक सहयोगमा पोखरा महानगरपालिकाले…
  • सोंथर बेँसी टारी बजार मेला सकियो

    राष्ट्र न्यूज सम्वाददाता फागुन ५, २०८०
    पोखरा, ५ फागुन । कास्कीको मादी गाउँपालिका वडा नम्बर ८ नागीधार पाखुरीकोट गाउँ र १० भाचोक गाउँको संगम बेँसीको रुपमा…

Archives

Archives