रेडक्रस पोखरा – १२ को शिविरमा एक सय ७६ जनाको परिक्षण

Avatar राष्ट्र न्यूज सम्वाददाता
चैत्र १४, २०७७
sibir

पोखरा, १४ चैत । नेपाल रेडक्रस सोसाईटी पोखरा – १२ उपशाखाले मृगौला तथा पित्त थैलीको निःशुल्क परिक्षण शिविर गरेको छ ।

शिविरमा एक सय ७६ जनाको परिक्षण गरिएको सचिव कुश्मराज आचार्यले जानकारी दिए ।

परिक्षण गरिएका मध्य एक सय १६ जना महिला र पुरुष ६० जना छन् । शिविरमा भिडियो एक्सरेबाट परिक्षण, रगतबाट मृगौला परिक्षण र रगतको माध्यमबाट मधुमेह परिक्षण गरिएको थियो ।

आस्था किड्नी स्पेसलाइज्ड अस्पताल, कालीगण्डकी डाइग्नोष्टिक सेन्टर र पोखरा १२ वडा कार्यालयको सहयोगमा शिविर गरिएको हो ।

कार्यक्रममा डा. विश्वराज वस्ताकोटी, डा. अमृत केसी, डा. परिवर्तन बरालको टोलीले परिक्षण गरेको थियो । पोखरा महानगरपालिका वडा नं १२ का वडाध्यक्ष रामबहादुर कार्कीले शिविर उद्घाटन गरेका थिए ।

त्यस अवसरमा आस्था किड्नी स्पेसलाइज्ड अस्पतालका प्रमुख डा. अमृत केसी, नेपाल रेडक्रस सोसाईटी कास्कीका सदस्य सन्तोष अधिकारीले बोेलेका थिए ।

नेपाल रेडक्रस सोसाईटी पोखरा – १२ उपशाखाका सभापति सूर्यप्रसाद आचार्यको अध्यक्षतामा भएको कार्यक्रम सचिव कुश्मराज आचार्यले संचालन गरेका थिए ।

Related News

सम्बन्धित समाचार

Trending