पोखरामा हुने लायन्स क्लब्सको नवौं कन्भेन्सनमा चार हजार लायन सहभागी हुने

राष्ट्र न्यूज सम्वाददाता
चैत्र ९, २०७७
lions

पोखरा, ९ चैत । लायन्स क्लब्स ईन्टरनेसनल डिष्ट्रिक्ट ३२५ बि १ नेपालको नवौं कन्भेन्सन पोखरामा हुने भएको छ ।

क्लवले आइतबार गरेको पत्रकार सम्मेलनमा क्लवका डिष्ट्रिक्ट गभर्नर मनबहादुर रोकाले पोखरामा चैत १४ गते कन्भेन्सन हुने जानकारी दिए । कन्भेन्सन पोखराको प्रदर्शनी केन्द्रमा हुने छ ।

कन्भेन्सनमा ४ हजार लायनहरु सहभागी हुने छन् । कन्भेन्सनले नयाँ नेतृत्वसमेत चयन गर्नेछ ।

पोखरामा हुने लागेको कन्भेन्सन सहमतिको कन्भेन्सन हुने दाबी गरिएको छ । यसअघि चुनावी प्रतिष्पर्धामार्फत नेतृत्व चयन गरिदै आएपनि यस पटक सहमतिबाट निर्विरोध नेतृत्व चयन हुने पूर्व गभर्नर धनराज आचार्यले जानकारी दिए ।

लायन्स क्लब्स ईन्टरनेसनल डिष्ट्रिक्ट ३२५ बि १ नेपालको डिष्ट्रिक्ट गभर्नरमा पोखराका विशेश्वर आचार्य, फष्र्ट भाइस गभर्नरमा महेन्द्र पौडेल र सेकेण्ड भाइस गभर्नरमा मनिश्री रत्न बज्राचार्यले उमेद्वारी दिएका छन् । उनीहरुबिरुद्ध कसैकोपनि उमेद्वारी नपरेकाले तीनै जना यसपटक निर्विरोध निर्वाचित हुने आचार्यले बताए ।

कन्भेन्सनको लायन्स क्लव अफ पोखरा माछापुच्छ«े भिलेजसहित पोखरा क्षेत्रका क्लवहरुले होस्ट गर्ने नवौं डिष्ट्रिक्ट कन्भेन्सन आयोजक समितिका कन्भेनर लायन शिवराज आचार्यले जानकारी दिए । उनका अनुसार कन्भेन्सन तयारीका लागि २८ वटा उप–समिति बनाएर काम भइरहेको छ ।

कन्भेन्सनको पूर्व सन्ध्यामा चैत्र १३ गते काठमाडौंबाट पोखरासम्म कार ¥याली र कन्भेन्सनको दिन विहान परेडसमेत हुने आचार्यले जानकारी दिए ।

पोखराको चिप्लेढुंगाबाट बाजागाजासहित शुरु हुने परेड नयाबजारस्थित प्रदर्शनी केन्द्रमा पुगेर कन्भेन्सनको उद्घाटन शत्रमा परिणत हुने छ ।

Related News

सम्बन्धित समाचार

  • सुत्केरीपछि आमा र नवजात शिशुको मृत्यु

    रासस माघ ९, २०७८
    सिमकोट, ९ माघ (रासस) । जिल्ला अस्पताल हुम्लामा सुत्केरी पछि आमा र नवजात शिशु दुवैको मृत्यु भएको छ । सिमकोट…
  • कास्की काँग्रेसको कोषाध्यक्षमा कर्माचार्य

    राष्ट्र न्यूज सम्वाददाता माघ ८, २०७८
    पोखरा, ८ माघ । नेपाली काँग्रेस कास्कीको कोषाध्यक्षमा माइकल कर्माचार्य चयन हुनु भएको छ । नेपाली काँग्रेस कास्कीका सभापति किशोरदत्त…
  • आजदेखि यातायातमा जोरबिजोर प्रणाली लागू

    रासस माघ ८, २०७८
    काठमाडौँ, ८ माघ (रासस) । कोभिड–१९ सङ्क्रमण तीव्र भएपछि त्यसलाई रोक्न काठमाडौँ उपत्यकामा आज बिहानैदेखि यातायातमा जोरबिजोर प्रणाली लागू गरिएको…
  • कांग्रेसका १६ जिल्लाको अधिवेशन स्थगित

    रासस माघ ७, २०७८
    काठमाडौँ, ७ माघ (रासस) । नेपाली कांग्रेसको १४औँ महाधिवेशनअन्तर्गत जिल्ला कार्यसमितिको निर्वाचन हुन बाँकी रहेका १६ जिल्लाको जिल्ला कार्यसमितिको अधिवेशन…
  • त्रिविविका सबै परीक्षा स्थगन

    रासस माघ ६, २०७८
    काठमाडौँ, ६ माघ (रासस)  । त्रिभुवन विश्वविद्यालयले सञ्चालन भइरहेका सबै परीक्षा स्थगन गर्ने निर्णय गरेको छ । विश्वविद्यालयको आजको बैठकले…