पोखरा, ८ चैत । नेपाली सेनाको सहायक सेनानी हुँ भन्दै हिड्ने नक्कली सहायक सेनानी पक्राउ परेका छन् ।

पक्राउ पर्नेमा जिल्ला मुस्ताङ थासाङ गाँउपालिका वडा नं ४ बस्ने १८ वर्षीय विपिन लगुन वि.क छन् ।

पोखरा महानगरपालिका वडा नं. १४ स्थित निर्माणाधिन पोखरा अन्तर्राष्ट्रिय विमानस्थलमा प्रवेश गरी शंकास्पद हर्कत गरेपछि त्यहाँ खटिएको नेपाली सेनाको टोलीले नियन्त्रणमा लिएर चेकजाँच गरेको थियो ।

सेनाले वि.क नेपाली सेनामा कार्यरत नभएको प्रतिवेदनसहित जिल्ला प्रहरी कार्यालय कास्कीमा आवश्यक अनुसन्धान तथा कारवाहीको लागि पठाएको छ ।

उनको साथबाट नेपाली सेनाको सहायक सेनानी दर्जाको दर्ज्यानी चिन्ह सहित पोषाक (चुस्ता), बुट, श्री भगवतीदल गण पोखरा लेखिएको परिचय पत्र, कालो रंगको नक्कली वाकिटकी रेडियो सेट बरामद गरिएको छ ।