पोखरा, २६ फागुन । पोखरामा महाशिवरात्रीका लागि उखु भित्रिएको छ ।
पोखरा ९ मा रहेको कृषि बजारबाट मङ्गबारदेखि नै उखु विक्री हुन शुरु भएको छ ।
पोखरामा धादिङ, गोरखा र सुनसरीको उखु आएको छ । अन्यको तुलनामा बढी उखु गोरखाबाट आएको छ ।
विगतका वर्षमा भन्दा यसवर्ष कम उखु भित्रिएको व्यापारीको भनाइ छ । पोखरामा खानका लागि धराने र फ्रुसे जातको उखु आएको छ ।
उपभोक्ताले एक थान उखुको मूल्य ८० देखि एक सय २० सम्म तिर्नुपर्ने अनुमान गरिएको छ । शिवरात्रीको दिन पड्काउन प्रयोग गरिने उखुको मुख्य भने २५ देखि ३५ रहेको छ ।
गतवर्ष शिवरात्रीको समयमा पोखरामा ४१ मेट्रिक टन(करिब ७० लाख मूल्यको उखु) भित्रिएको थियो ।
मङ्गबारसम्म पोखरामा करिब ३० लाख मूल्य बराबरको २१ मेट्रिक टन उखु भित्रिएको कृषि बजार व्यवस्थापन समितिका व्यवस्थापक महेन्द्रसिंह थापाले जानकारी दिए ।
गतवर्ष कम उखु खपत भएका कारण यसपटक कम उखु भित्रिने अनुमान गरिएको छ । गतवर्षभन्दा उखुको मूल्य नबढेको भएपनि कम आएका कारण केही महंगो हुन सक्ने थापाको भनाइ छ । बुधबार र बिहीबार पोखराको बजारमा उखु किन्नेको घुइँचो लाग्ने छ ।
यसवर्षको महाशिवरात्री पर्व फागुन २७ गते बिहीबार परेको छ ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives