गारतारोबासिन्दा आन्दोलित, जलस्रोत तथा सिंचाई विकास डिभिजन कार्यालयमा धर्ना(भिडियो)

राष्ट्र न्यूज सम्वाददाता
फागुन २५, २०७७
1

पोखरा, २५ फागुन । पोखरा १६ गारतारोकाबासिन्दाले आन्दोलन शुरु गरेका छन् ।

गारतारो कसेरी संघर्ष समितिको नेतृत्वमा उनीहरु आन्दोलनमा उत्रेका हुन् । गारतारो कसेरीमा व्यत्तिको जग्गा जलस्रोत तथा सिंचाई डिभिजन कार्यालयबाट ३० वर्ष अघि फिल्टर बनाउनका लागि अधिग्रहण गरी हालसम्म मुआब्जा नदिएको विरोधमा उनीहरु आन्दोलित भएका हुन् ।

सर्वाेच्च अदालतले २०६५ सालमा पीडित पक्षलाई कानून बमोजिम मुआब्जा दिन आदेश दिएपनि अहिलेसम्म कार्यान्वयन नभएको उनीहरुको गुनासो छ ।

संघर्ष समितिको नेतृत्वमा मङ्गलबार जलस्रोत तथा सिंचाई विकास डिभिजन कार्यालय कास्कीमा १ घण्टा धर्ना दिइएको छ । पीडित परिवारका ५० भन्दा बढीले सरकारले आफूलाई अन्याय गरेको भन्दै नाराबाजीसहित बिहान १० देखि ११ बजेसम्म धर्ना दिएको संघर्ष समितिका उपसंयोजक धर्मराज थापाले जानकारी दिए ।

धर्नासँगै कार्यालयलाई ज्ञापनपत्र समेत बुझाएर थप आन्दोलन घोषणा गर्दै अल्टिमेटम समेत दिइएको छ । समितिले चैत १७ सम्म उचित क्षतिपूर्तिसहित जग्गा फुकुवा नभए १८ गतेदेखि प्रत्येक बुधबार सेती नहरको पानी बन्द गर्ने र वैशाख १५ बिहीबारदेखि सेती नहर सिंचाई बन्द गर्नेसम्मको चेतावनी दिएको छ ।

धर्नाका क्रममा हामी कहिलेसम्म पीडित हुने ?, गारतारो कसेरीको जग्गा रोक्का फुकुवा गरियोस, जनतालाई सुकुम्बासी बनाउन पाइदैन, जनताप्रति राज्य किन निरीह ?,सिंचाई कार्यालय अब हामी जाग्यौं जस्ता नारा लगाइएको थियो ।

संघर्ष समितिका संयोजक रुद्रबहादुर थापा र सचिव सन्दीप थापाले राज्यले आफूहरुलाई अन्याय गरेको भन्दै तत्काल न्याय दिन आग्रह गरे ।

उता जलस्रोत तथा सिंचाई विकास डिभिजन कार्यालय कास्कीका प्रमुख किरण आचार्यले मुआब्जा दिने विषय प्रक्रियामा रहेको बताए । आवश्यक अध्ययन अनुसन्धानपछि काम अघि बढाइने उनको भनाइ छ ।

Related News

सम्बन्धित समाचार

  • साढे दुई घण्टा मोवाइल सेवा अवरुद्व, भर्खर सुचारु

    राष्ट्र न्यूज सम्वाददाता असार ९, २०७८
    पोखरा, ९ असार । देशभर अवरुद्व बनेको नेपाल टेलिकमको मोवाइल सेवा सुचारु भएको छ । मोवाइल सेवाको जिएसएम सिष्टममा समस्या…
  • मन्त्रिपरिषद् विस्तार बदर, २१ मन्त्री पदमुक्त

    राष्ट्र न्यूज सम्वाददाता असार ८, २०७८
    पोखरा, ८ असार । सर्वोच्च अदालतले पछिल्लो पटक गरिएको मन्त्रिपरिषद् विस्तारलाई बदर गरेको छ । सर्वाेच्चको यो आदेशसँगै जेठ २१…
  • स्रोत नखुलेको रु ४० लाखसहित एक पक्राउ

    रासस असार ८, २०७८
    जलेश्वर, ८ असार (रासस) । महोत्तरीको मटिहानी–जनकपुर सडकखण्डअन्तर्गत आज दिउँसो स्रोत नखुलेको करिब रु ४० लाखसहित एक युवकलाई प्रहरीले पक्राउ…
  • घर घरको मठमा राखियो तुलसीको दल

    रासस असार ७, २०७८
    काठमाडौँ, ७ असार (रासस)। वैदिक सनातन धर्मावलम्बीले आ–आफ्नो घरको मठमा तुलसीको बिरुवा उमार्न बीउँ रोपण सम्पन्न गरिएको छ । यसलाई…
  • महाकालीमा खतराको सङ्केत

    रासस असार ६, २०७८
    डडेल्धुरा, ६ असार(रासस) ।लगातारको वर्षाका कारण महाकाली नदीमा पानीको स्तरले खतराको सङ्केत पार गरेको छ । डडेल्धुरा परशुराम धाममा रहेको…