पोखरा, ९ फागुन । नेपाल आयल निगमका कार्यकारी निर्देशक सुरेन्द्रकुमार पौडेलले विश्व बजारमा पेट्रोलियम पदार्थको मुल्य लगातार उकालो लागेकाले नेपालमा फेरी पनि मुल्यवृद्धि हुन सक्ने संकेत गरेका छन् ।
गण्डकी धौलागिरी पेट्रोलियम डिलर्स एशोसियशनको २६ औं वार्षिक साधारण सभा एवं १३ औं महाधिवेशन उद्घाटन गर्दै उनले त्यस्तो बताएका हुन् ।
निगमले फागुन ४ गते मात्रै डिजेल, पेट्रोल, हवाई इन्धन र मट्टीतेलमा प्रति लिटर दुई रुपैयाँका दरले मुल्यवृद्धि गरेको थियो ।
कार्यकारी निर्देशक पौडेलले प्रति लिटर एक रुपैयाँ मुल्य घट्दा निगमलाई दैनिक ८० लाख रुपैयाँ घाटा हुने उल्लेख गर्दै विश्व बजार र इण्डियन आयल कर्पाेरेशनले मुल्य समायोजनका आधारमा निगमले निर्धारण गर्ने बताए ।
उनले भारतबाट आएको इन्धन कम मुल्यमै उतै तस्करी हुने गरेको भन्दै सिमा क्षेत्रका पम्पहरुलाई खरिद विक्रीको लगत राख्न निर्देशन दिइएको उल्लेख गरे ।
कार्यक्रममा पेट्रोलियम डिलर्स राष्ट्रिय एशोसियशनका राष्ट्रिय अध्यक्ष लिलेन्द्र प्रधानले निगमको डिपोसँग खरिद गरेको परिमाण विक्री गर्ने समयमा नपुग्ने बताए ।
त्यस अवसरमा आयल निगमको गगनगौंडा डिपो भण्डारण क्षमता वृद्धि परियोजनाका प्रमुख मनोज ठाकुर, गगनगौंडा डिपो प्रमुख पुस्कर कार्की, नापतौल तथा गुणस्तर कार्यालय पोखराका प्रमुख तिलक केसी, संस्थाका संस्थापक अध्यक्ष बिलबहादुर गुरुङ, गण्डकी ट्यांकर व्यवसायी संघका अध्यक्ष सुरेन्द्ररमण पराजुलीलगायलते बोलेका थिए ।
Related News
सम्बन्धित समाचार
कास्कीको घान्द्रुक पदमार्गको हब बन्न सक्छ ः एक्याप प्रमुख कडरिया
४७ करोडमा बन्ने रुपा रिङरोड दोस्रो खण्डको शिलान्यास
मन्त्री केसीद्धारा चौर अम्बोट झोलुंगे पुलको उद्घाटन
एन प्याव्सनको श्रुतिलेखन प्रतियोगितामा कान्तिपुर प्रथम
सडक यातायात व्यवसायिक पत्रकारिता पुरस्कार सम्पादक सापकोटालाई
Archives
Archives