पोखरा, २४ माघ । संसद विघटनको विरोधमा शनिवार देशभर प्रदर्शन गरिएको छ ।
नेपाली काँग्रेसका शुभेच्छुक संघसंस्थाले संयुक्त रुपमा प्रदर्शन गरेका हुन् ।
पोखरा पनि पृथ्वीचोकदेखि सृजनाचोकसम्म प्रदर्शन गरिएको नेपाल प्रेस युनियन कास्कीका सभापति नवीन सिग्देलले जानकारी दिए ।
प्रदर्शनपछि सृजनाचोकमा आयोजित विरोध सभामा बोल्दै नेपाली काँग्रेसका केन्द्रीय सदस्य दीपक गिरीले प्रधानमन्त्रीको अलोकतान्त्रिक र असंवैधानिक कदम विरुद्व सबै नेपाली एकजुट हुनु पर्ने बताए । उनले कम्युनिष्टले सडक र सत्ताबाट आतंक मच्याएको बताए ।
कास्की काँग्रेसका सभापति कृष्ण केसीले सर्वसत्तावाद विरुद्व काँग्रेसले जनताका बीचमा संघर्ष जारी राख्ने बताए ।
नेपाल ट्रेड युनियन काँग्रेस कास्कीका सभापति विजयराज भण्डारीको अध्यक्षतामा भएको कार्यक्रम कोषाध्यक्ष शंकरबहादुर खत्रीले सञ्चालन गरेका थिए ।
Related News
सम्बन्धित समाचार
राष्ट्रिय माविको हीरक महोत्सव
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
Archives
Archives