कालिका क्याम्पसको अध्यक्षमा प्रेमकुमारी केसी, सदस्यमा किरण

राष्ट्र न्यूज सम्वाददाता
मंसिर २७, २०७७
Prem K KC

पोखरा २७ मंसीर । कालिका बहुमुखी क्याम्पसको सञ्चालक समितिको अध्यक्ष पदमा प्रेमकुमारी केसी सर्वसम्मत चयन भएकी छन् ।

समितिका जेष्ठ सदस्य जे.बी कुँवरको अध्यक्षतामा शनिवार बसेको क्याम्पस सञ्चालक समितिको बैठकले केसीलाई सर्वसम्मत रुपमा अध्यक्षमा चयन गरेको हो ।

क्याम्पसको संरक्षक एवं सिनेटर समेत रहेकी केसी लामो समय देखि सो क्याम्पसको सञ्चालक समितिको महिला सदस्य पदमा रही कार्य गर्दै आएकी थिइन् । नवनियुक्त अध्यक्ष केसी क्याम्पसका संस्थापक अध्यक्ष समाजसेवी एवं उद्योगपति स्व. सुर्यबहादुर केसीकी धर्मपत्नी हुनुहुन्छ ।

                                                किरण केसी 

समितिको सोही बैठकले रिक्त सञ्चालक समिति सदस्य पदमा युवा उद्यमी किरण केसीलाई मनोनयन गरेको छ । क्याम्पसको संरक्षक सिनेटर समेत रहेका युवा ब्यवसायी केसी पूर्वअध्यक्ष स्व.केसीका सुपुत्र हुन्। आफ्नो बावुको पद पछ्याउदै समाजसेवामा अग्रसर केसी छोटो समयमै लोकप्रिय युवाको रुपमा अगाडि बढेका छन् ।

यसैगरी आजै बसेको बैठकले संस्थापक अध्यक्ष स्वं. केसीको निधनमा वर्ष दिनभरी क्याम्पसका कुनै उत्सव एवं समारोह नगर्ने निर्णय गरेको समितिका सदस्य भिमसेन थापाले जानकारी दिए ।

स्नातकोत्तर तह सम्म अध्यापन हुने क्याम्पस सेति पूर्वको उच्च शिक्षा दिने पोखराको पहिलो क्याम्पस हो । २०४८ सालमा स्थापना भएको सो क्याम्पसको संस्थापक अध्यक्ष प्रतिनिधि सभाका सदस्य एवं समाजसेवी सुुर्य बहादुर केसीको कार्तिक १७ गते असामयिक निधन भएपछि अध्यक्ष पदरिक्त हुन गएको थियो ।

उच्च शिक्षाको लागि प्रख्याती कमाएको सो कालिका क्याम्पसको भौतिक विकास र शैक्षिक उन्नयनमा केसी परिवारको महत्वपूर्ण योगदान रहेको क्याम्पस प्रमुख रविन्द्र बाँस्तोलाले बताए ।

Related News

सम्बन्धित समाचार

  • मन्त्रालय नपाएसम्म मुख्यमन्त्रीलाई सघाउँछुः डोवाटे

    राष्ट्र न्यूज सम्वाददाता कार्तिक ५, २०७८
    पोखरा, ५ कात्तिक । गण्डकी प्रदेशका विना विभागीय मन्त्री डोवाटे विश्वकर्माले मन्त्रालयको जिम्मेवारी नपाएसम्म मुख्यमन्त्रीलाई सघाउने बताउनु भएको छ ।…
  • मुख्यमन्त्री पोखरेल मन्त्रालयको अनुगमनमा

    राष्ट्र न्यूज सम्वाददाता कार्तिक ५, २०७८
    पोखरा, ४ कात्तिक । गण्डकी प्रदेशका मुख्यमन्त्री कृष्णचन्द्र नेपाली पोखरेलले बिहीबार प्रदेशका मन्त्रालयहरुको स्थलगत अनुगमन गर्नुभएको छ । पोखरेल नेतृत्वमा…
  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…