काँग्रेस वडा सहसभापति थापालाई मातृशोक, पूर्व सभापति लामिछानेलाई पत्नीशोक

राष्ट्र न्यूज सम्वाददाता
मंसिर १०, २०७७
flag

पोखरा, १० मंसिर । नेपाली काँग्रेस पोखरा महानगरपालिका वडा नं २५ का इकाइ सहसभापति दानबहादुर थापालाई मातृशोक परेको छ ।

उनकी ममतामयी आमा बालुदेवी थापाको ८५ वर्षको उमेरमा मङ्गलबार राति पोखरा २५ तल्लो हेमजास्थित निवासमा निधन भएको हो ।

दुई छोरामध्य दानबहादुर जेठा छोरा हुन् । थापा स्थानीय तहको निर्वाचनमा काँग्र्रेसको तर्फबाट वडा नं २५ मा वडाध्यक्षको उम्मेद्वार बनेका थिए । बालुदेवीका श्रीमान्, दुई छोरा र तीन छोरी छन् ।

उता पोखरा ६ का पूर्व इकाइ सभापति एवं पूर्व वडाध्यक्ष होमबहादुर लामिछानेलाई पत्नीशोक परेको छ । उनकी श्रीमती शिव लामिछानेको ७९ वर्षको उमेरमा निधन भएको हो । विगत ४ वर्षदेखि शिव क्यान्सरबाट पीडित थिइन् । उनी नेपाल महिला संघ पोखरा ६ को इकाइ सभापति पनि हुन् । शिवका श्रीमान्, तीन छोरा र एक छोरी छन् ।

दिवंगत दुवैप्रति नेपाली काँग्रेसका नेता शुक्रराज शर्मा, कास्की काँग्रेसका उपसभापति आइबहादुर गुरुङ, क्षेत्र नं ३ का क्षेत्रीय सभापति पोषनाथ शर्मा, अन्नपूर्ण गाउँपालिका अध्यक्ष युवराज कुँवर, कास्की काँग्रेसकी कोषाध्यक्ष लक्ष्मी पाण्डेले पार्टीको चार तारे झण्डा ओढाएर अन्तिम श्रद्वाञ्जली अर्पण गरेका थिए ।

यसैबीच कास्की काँग्रेसका सभापति कृष्ण केसीले विज्ञप्ति प्रकाशित गरी दुवै परिवारमा परेको शोकप्रति दुःख व्यक्त गर्दै दिवंगत आत्माको चिरशान्तिको कामना र शोक सन्तप्त परिवारजनमा समवेदना व्यक्त गरेका छन् ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…