पोखरा, ३० कात्तिक । पोखरा १३ लामोडहर निवासी नेपाली काँग्रेसका क्रियाशील सदस्य दुर्गादत्त भट्टराईको ६६ वर्षको उमेरमा निधन भएको छ ।
उनी तत्कालित पोखरा नगरपालिका वडा नं १३ को पूर्व वडा सदस्य हुन्। भट्टराई लामो समयदेखि प्रेसरबाट प्रभावित थिए ।
पोखरामा नेपाली काँग्रेसको ठूलो आकारको चार तारे झण्डा साईकलमा राखेर हिड्ने उनलाई धेरै पोखरेलीले हरिलालको नामबाट चिन्दछन् । उनी त्यागि र इमान्दार थिए ।
उनका तिन छोरा र एक छोरी छन् । नेपाली काँग्रेस कास्कीका सभापति कृष्ण केसी, क्षेत्र नं १ का सभापति बिर्जमान गुरुङ र कास्की काँग्रेसका प्रवत्ता नवीन सिग्देल,नेपाल तरुण दल कास्कीका उपसभापति दीपक गुरुङलगायत निवासमा पुगेर उनीप्रति अन्तिम श्रद्वाञ्जली अर्पण गर्नुको साथै परिवारजनमा समवेदना व्यक्त गरेका छन् ।
उनको पार्थिव शरीर पोखराको रामघाटमा अत्येष्टि गरिएको छ ।
यसैबीच कास्की काँग्रेसका सभापति कृष्ण केसीले शोक विज्ञप्ति प्रकाशित गरी भट्टराईको निधनप्रति दुःख व्यक्त गरेका छन् । विज्ञप्तिमा दिवंगत आत्माको चिरशान्तिको कामना र शोक सन्तप्त परिवारजनमा समवेदना व्यक्त गरिएको छ ।
Related News
सम्बन्धित समाचार
राष्ट्रिय माविको हीरक महोत्सव
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
Archives
Archives