पोखरा, ७ कात्तिक । पोखरा २२ पुम्दीभुम्दीस्थित भगवती आधारभूत विद्यालयले पुम्दीभुम्दी, कालावाङका डा.कृष्णप्रसाद पौडेललाई सम्मान गरेको छ ।
सोही विद्यालयमा अध्ययन गरेका पूर्व विद्यार्थी पौडेलले नलेज मेनेजमेण्टमा विद्यावारिधी उपाधी हासिल गरेकोमा विद्यालयको गौरव बढेको भन्दै सम्मान गरेको हो ।
विद्यालयका व्यवस्थापन समितिका अध्यक्ष प्रकाश गुरुङ र पूर्व अध्यक्ष तथा नेपाली काँग्रेस पुम्दीभुम्दीका पूर्व इकाइ सभापति राजबहादुर गुरुङले संयुक्त रुपमा डा. पौडेललाई दोसल्ला ओढाएका थिए ।
सम्मानपछि डा. पौडेलले आफुले क, ख र ए, बी, सी सिकेको विद्यालयबाट सम्मान हुन पाउँदा गौरवको अनुभुति भएको बताए । आफुले प्राप्त गरेको विज्ञता समाज र देशको विकासको लागि समर्पित गर्ने उल्लेख गरे ।
विद्यालयका व्यवस्थापन समितिका अध्यक्ष प्रकाश गुरुङले डा. पौडेल पुम्दीभुम्दीको मात्र नभई कास्कीको गहना भएको बताए । गुरुङले विद्यावारिधी उपाधी ठूलो मेहनत र संघर्षबाट प्राप्त हुने भन्दै डा. पौडेलबाट संघर्षको पाठ सिक्नुपर्ने बताए ।
विद्यालयका व्यवस्थापन समितिका पूर्व अध्यक्ष तथा नेपाली काँग्रेस पुम्दीभुम्दीका पूर्व इकाइ सभापति राजबहादुर गुरुङले डा. पौडेलको विज्ञता समाजका लागि उपयोगी हुने विश्वास व्यक्त गरे । उनले नेपाली काँग्रेसले डा. पौडेललाई शिक्षा विभागको सचिव पदमा मनोनित गरेकोमा बधाइ ज्ञापन गरे ।
कार्यक्रम विद्यालयका सहायक प्रधानाध्यापक जापप्रसाद गुरुङले संचालन गरेका थिए ।
Related News
सम्बन्धित समाचार
राष्ट्रिय माविको हीरक महोत्सव
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
Archives
Archives