पोखरा, १८ साउन । नेपाली काँग्रेस कास्कीले पोखरा २४ निवासी पार्टीका क्रियाशील सदस्य तोयनाथ पाध्या तिमिल्सिनाको निधन भएकोमा दुःख व्यक्त गरेको छ ।
कास्की काँग्रेसका सभापति कृष्ण केसीले शोक विज्ञप्ति प्रकाशित गरी दिवंगत आत्माको चिरशान्तिको कामना गर्दै शोक सन्तप्त परिवारजनमा समवेदना व्यक्त गरेका छन् ।
विगत ५ वर्षदेखि नशा सम्वन्धी रोगबाट प्रभावित ७७ वर्षिय तिमिल्सिनाको साउन १५ गते निधन भएको हो । उनी साविक कास्कीकोट गाविस वडा नं ९ का पूर्व अध्यक्ष हुन् ।
स्थानीय विकास, शिक्षा र वन क्षेत्रमा उनको महत्वपूर्ण योगदान रहेको थियो । उनका १ श्रीमती, २ छोरा र २ छोरी छन् ।
छोरा विष्णुप्रसाद तिमिल्सिना, चन्द्रकान्त तिमिल्सिना र छोरी लक्ष्मीदेवी अधिकारी, नन्दश्री पौडेल हुन् ।
छोरा विष्णु जनजागृति मावि पोखरा १८ को पूर्व प्रधानाध्यापक र चन्द्रकान्त पोखरा महानगरपालिकाका अधिकृत हुन् ।
Related News
सम्बन्धित समाचार
शिवशक्ति क्याम्पसको ३१ औं वार्षिकोत्सव तथा १५ औं साधारण सभा
छ नम्बर वडावासिद्वारा महानगरलाई पाँच बुँदे ज्ञापनपत्र
दोलखा पोखरा मिलन समाजको अध्यक्षमा खड्का
दक्ष जनशक्ति उत्पादनका लागि होटल संघ र हेल्भेटासको सहकार्य
नेपाल विद्युत प्राधिकरणको वार्षिकोत्सवमा रक्तदान