कास्की काँग्रेसद्वारा बाढिपहिरोका कारण जनधनमा पुगेको क्षतिप्रति दुःख व्यक्त, तत्काल राहत उपलब्ध गराउन माग

राष्ट्र न्यूज सम्वाददाता
असार २६, २०७७
flag

पोखरा, २६ असार । नेपाली काँग्रेस कास्कीले कास्की जिल्लाका विभिन्न स्थानमा बाढिपहिरोका कारण जनधनमा पुगेको क्षतिप्रति दुःख व्यक्त गरेको छ ।

कास्की काँग्रेसले पहिरोका कारण पोखरा १८ सराङकोटस्थित गोठादीमा पाँच जना, पोखरा २५ हेमजामा एक जना र पोखरा २६ पैतेडाडामा एक जनाको मृत्यु भएको र आठ जना घाइते भएको घटनाप्रति दुःख व्यक्त गरेको छ ।

विज्ञप्तिमा पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल र मणिपाल शिक्षण अस्पतालमा उपचार गराई रहेका घाइतेको शिघ्र स्वास्थ्य लाभको कामना गरिएको छ ।

विज्ञप्तिमा गोठादीमा ५० वर्षीय टंकबहादुर थापा, ४५ वर्षीया सोममाया थापा, ११ वर्षीया इशिका थापा, ६ वर्षीय सुवान थापा, दमौली घर भएका ८ वर्षीय सितल श्रेष्ठ ,हेमजामा ७० वर्षीया हिमकला अधिकारी र पैतेडाडामा ३५ वर्षीय दुर्गाबहादुर सुनारको मृत्यु भएकोमा दिवंगत आत्माको चिरशान्तिको कामना गर्दै शोककुल परिवार र आफन्तजनमा समवेदना व्यक्त गरेको छ ।

कास्की काँग्रेसका सभापति कृष्ण केसीद्वारा जारी विज्ञप्तिमा पीडित परिवारलाई तत्काल राहत उपलब्ध गराउन माग गरिएको छ ।

Related News

सम्बन्धित समाचार

  • महिला पुरुष सचेतना कार्यक्रम

    राष्ट्र न्यूज सम्वाददाता माघ १७, २०७९
    पोखरा, १७ माघ । लैगिंक हिंसा विरुद्ध पुरुषहरुको ऐक्यवद्धता महिला पुरुष सचेतना कार्यक्रम पोखरा महानगर वडा नम्वर ७ मा सम्पन्न…
  • संस्थापक अध्यक्ष पौडेलको स्मृतिमा अक्षय कोष स्थापना गरिने

    राष्ट्र न्यूज सम्वाददाता माघ ९, २०७९
    पोखरा, ९ माघ । नेपाल पत्रकार महासंघ गण्डकी प्रदेश समितिले संस्थापक अध्यक्ष स्वर्गीय त्रिभुवन पौडेलको स्मृतिमा अक्षयकोष स्थापना गर्ने भएको…
  • विविध कार्यक्रम गरी राष्ट्रिय वाणिज्य बैंक ४८ औं वार्षिकोत्सव मनाउँदै

    राष्ट्र न्यूज सम्वाददाता माघ ४, २०७९
    पोखरा, ४ माघ । राष्ट्रिय वाणिज्य बैंक लिमिटेडको ५८ औं वार्षिकोत्सवका अवसरमा विविध कार्यक्रम गरिएको छ । विविध कार्यक्रम अन्तर्गत…
  • शव कुर्दै आफन्त

    राष्ट्र न्यूज सम्वाददाता माघ २, २०७९
    पोखरा, २ माघ । पोखरा स्वास्थ्य विज्ञान प्रतिष्ठान(पश्चिमाञ्चल क्षेत्रीय अस्पताल) परिसर विगत दुई दिन देखि शोकमा डुबेको छ। पोखरामा आइतबार…
  • आँखा शिविरबाट दुई सय २० जना लाभान्वित

    राष्ट्र न्यूज सम्वाददाता पौष २७, २०७९
    पोखरा,२७ पुस । लायन्स क्लब अफ पोखरा लेकसिटी तथा दृष्टिविहीन कल्याण संघ कास्कीको संयुक्त आयोजनामा पर्वत जिल्ला कुश्मा नगरपालिकाको शिवालय…