जीपी फाउण्डेशनले ग¥यो प्रेस युनियनलाई प्रेस ज्याकेट सहयोग

राष्ट्र न्यूज सम्वाददाता
असार २०, २०७७
press jecat

पोखरा, २० असार । जीपी फाउण्डेशन कास्कीले नेपाल प्रेस युनियन कास्कीलाई प्रेस ज्याकेट सहयोग गरेको छ ।

पूर्व प्रधानमन्त्री नेपाली काँग्रेसका पूर्व सभापति शान्ति नायक, युग पुरुष स्व.गिरिजाप्रसाद कोइरालाको ९७ औं जन्म जयन्तीको अवसरमा जीपी फाउण्डेशन कास्कीले प्रेस युनियन कास्कीलाई शनिवार एक कार्यक्रमकाबीच ५० थान प्रेस ज्याकेट सहयोग गरेको हो ।

कार्यक्रममा नेपाली काँग्रेसका केन्द्रीय सदस्य प्रदिप पौडेल, जीपी फाउण्डेशन गण्डकी प्रदेशकी संयोजक संविधान सभासद् शारदा पौडेल, कास्कीका अध्यक्ष यादवराज अधिकारीले नेपाल प्रेस युनियन कास्कीका अध्यक्ष नवीन सिग्देललाई प्रेस ज्याकेट हस्तान्तरण गरेका थिए ।

ती प्रेस ज्याकेट प्रेस युनियन कास्कीका अध्यक्ष सिग्देलले सोहि अवसरमा क्रियाशील पत्रकारलार्ई वितरण गरेका थिए ।

कार्यक्रममा बोल्दै प्रमुख अतिथि नेपाली काँग्रेसका केन्द्रीय सदस्य प्रदिप पौडेलले काँग्रेसले प्रधानमन्त्री पद पाएपनि सरकारमा जान नहुने बताएका छन् ।

पछिल्लो समय नेकपामा देखिएको विवादका कारण नेकपाको कुनै गुटसँग मिलेर काँग्रेस सरकारमा सहभागी हुने हो कि भन्ने हल्ला चलिरहेको बेला केन्द्रीय सदस्य पौडेलले अहिले काँग्रेस सरकारमा सहभागी हुनु भनेको विलय हुनु तर्क गरे ।

‘अहिले नेपाली काँग्रेसलाई प्रधानमन्त्री पद दिए पनि सरकारमा सहभागी हुनु हुदैन’ केन्द्रीय सदस्य पौडेलले भने, ‘नेकपामै दुई तिहाई भएको बेला सरकारमा रहेर केहि काम गर्न सकेको छैन । नेकपाको एउटा गुट समातेर सरकारमा सहभागी हुनु भनेको विलय हुनु जस्तै हो ।’

उनले वर्तमान सरकारले संविधानसँग बाँझिने गरी ऐन ल्याउन खोजेर निरकुंशता लाद्न खोजेको बताउँदै यसका लागि काँग्रेसले शशक्त प्रतिकार गर्नुपर्ने उल्लेख गरे ।

‘साढे दुई वर्ष भयो यो सरकार बनेको, आफ्नो स्वार्थ बाहेक अरु केहि काम गरेको देखिएन’ केन्द्रीय सदस्य पौडेलले भने, ‘दुई तिहाइ बहुमतको सरकार छ, काम गर्न कसैले छेकेको छैन । क्षमता नभएको मान्छेले काम गर्न सक्दैन भन्ने अहिले प्रमाणित भएको छ । त्यसैले यो सरकारसँग केहि अपेक्षा गर्न सकिदैन ।

उनले स्वर्गीय गिरिजाप्रसाद कोइराला नेपाली राजनीतिको इतिहास भएको बताए ।

नेपाली काँग्रेस कास्कीका सभापति कृष्ण केसीले यो महामारीमा अग्रपंक्तिमा रहेर रिपोटिड्ड गर्ने पत्रकारलाई प्रेस ज्याकेट दिएर फाउण्डेशनले उदाहरणीय कार्य गरेको बताए ।

जीपी फाउण्डेशन गण्डकी प्रदेशकी संयोजक संविधान सभा सदस्य शारदा पौडेलले प्रेस ज्याकेटले लोकतन्त्रवादी पत्रकारको पहिचान झल्काउने बताइन् ।

नेपाल प्रेस युनियन कास्कीका अध्यक्ष एवम् कास्की काँग्रेसका प्रवक्ता नविन सिग्देलले काँग्रेस सहित प्रेस युनियनको पहिचानका लागि ज्याकेट महत्वपूर्ण बन्ने बताए ।

यसअघि जीपी फाउण्डेशन कास्कीले नेपाल प्रेस युनियन कास्कीलाई स्वास्थ्य सुरक्षा सामाग्री पनि सहयोग गरेको थियो ।

जीपी फाउण्डेशन कास्कीका अध्यक्ष यादवराज अधिकारीको अध्यक्षतामा भएको कार्यक्रममा गण्डकी प्रदेशका सहसंयोजक राजेन्द्रनिधि कोइराला, काँग्रेसका महासमिति सदस्य वीरेन्द्रनारायण विजुक्छे , फाउण्डेशन कास्कीका सचिव मोतिराज तिमिल्सिना, प्रेस युनियन कास्कीका उपाध्यक्ष प्रकाशचन्द्र सापकोटाले बोलेका थिए ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…