कास्की काँग्रेससहितका दल पोखरा स्वास्थ्य विज्ञान प्रतिष्ठानमा, कोरोना संक्रमितको उपचार छुट्टै स्थानमा हुने

राष्ट्र न्यूज सम्वाददाता
असार १९, २०७७
Pratistan

पोखरा, १९ असार । नेपाली काँग्रेस कास्कीको नेतृत्वमा जनता समाजवादी पार्टी कास्की र राप्रपा कास्कीका प्रतिनिधि शुक्रबार पोखरा स्वास्थ्य विज्ञान प्रतिष्ठानमा पुगेका छन् ।

पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालले कोरोना संक्रमितको उपचारमा गरेको व्यवस्था बारे जानकारी लिन र अन्य बिरामीको समस्या बारे जानकारी गराउँन तिन दलका प्रतिनिधि प्रतिष्ठान गएको कास्की काँग्रेसका प्रवत्ता नवीन सिग्देलले बताए ।

टोलीमा कास्की काँग्रेसको तर्फबाट सभापति कृष्ण केसी, सचिव देवेन्द्र रानाभाट, प्रवत्ता नवीन सिग्देल, जनता समाजवादीको तर्फबाट अध्यक्ष गिरिप्रसाद गुरुङ, सचिव नारायणप्रसाद भण्डारी, पोखरा महानगर समिति अध्यक्ष टिकाराम पौडेल र राप्रपा कास्कीको तर्फबाट कार्यवाहक सभापति गणेश ढकाल सहभागी थिए । छलफलमा नेपाल स्वास्थ्यकर्मी संघ गण्डकी प्रदेश अध्यक्ष नारायण बराल पनि सहभागी थिए ।

छलफलमा कास्की काँग्रेसका सभापति कृष्ण केसीले अस्पताललाई कोरोना अस्पताल बनाउँदा सर्वसाधारण नागरिक सहज र सर्वसुलभ उपचारबाट बञ्चित भएकोप्रति ध्यानाकर्षण गराउँदै कास्की काँग्रेसले कोरोना उपचारका लागि विगतदेखि नै छुट्टै स्थान व्यवस्था गर्न माग गरेको उल्लेख गरे ।

सो टोलीलाई प्रतिष्ठानका उपकुलपति डा. बुद्विबहादुर थापा र निर्देशक डा अर्जुन आचार्यले स्वाब परीक्षण र उपचारको अवस्थासहित भावि योजनाहरु जानकारी दिदै अस्पताललाई थप व्यवस्थित बनाउनका लागि सहयोग गर्न आग्रह गरेका थिए ।
प्रतिष्ठानका उपकुलपति डा थापाले विगतमा धेरै अन्यौलता रहेपनि अब भने सहज रुपमा सेवा प्रवाह भैरहेको जानकारी दिए । उनले सबै पक्षसँगको सहकार्य र समन्वयमा काम गरिरहेको बताए ।

निर्देशक डा आचार्यले अबको केही दिनभित्र कोरोना संक्रमितको उपचार छुट्टै स्थानमा गरिने जानकारी दिए ।

‘अब पश्चिमाञ्चल क्षेत्रीय अस्पतालसँग कोरोना संक्रमितको सम्पर्क नहुने गरी छुट्टै स्थानको व्यवस्था गरेका छौं, उनले भने, यसले अन्य बिरामीलाई उपचार सेवा लिन सहज हुने अपेक्षा गरेका छौं।’

कास्की काँग्रेसले शुरुवातको अवस्थादेखि पश्चिमाञ्चल क्षेत्रीय अस्पताललाई कोरोना अस्पताल नबनाउन माग गर्दै आएको थियो ।

Related News

सम्बन्धित समाचार

  • महिला पुरुष सचेतना कार्यक्रम

    राष्ट्र न्यूज सम्वाददाता माघ १७, २०७९
    पोखरा, १७ माघ । लैगिंक हिंसा विरुद्ध पुरुषहरुको ऐक्यवद्धता महिला पुरुष सचेतना कार्यक्रम पोखरा महानगर वडा नम्वर ७ मा सम्पन्न…
  • संस्थापक अध्यक्ष पौडेलको स्मृतिमा अक्षय कोष स्थापना गरिने

    राष्ट्र न्यूज सम्वाददाता माघ ९, २०७९
    पोखरा, ९ माघ । नेपाल पत्रकार महासंघ गण्डकी प्रदेश समितिले संस्थापक अध्यक्ष स्वर्गीय त्रिभुवन पौडेलको स्मृतिमा अक्षयकोष स्थापना गर्ने भएको…
  • विविध कार्यक्रम गरी राष्ट्रिय वाणिज्य बैंक ४८ औं वार्षिकोत्सव मनाउँदै

    राष्ट्र न्यूज सम्वाददाता माघ ४, २०७९
    पोखरा, ४ माघ । राष्ट्रिय वाणिज्य बैंक लिमिटेडको ५८ औं वार्षिकोत्सवका अवसरमा विविध कार्यक्रम गरिएको छ । विविध कार्यक्रम अन्तर्गत…
  • शव कुर्दै आफन्त

    राष्ट्र न्यूज सम्वाददाता माघ २, २०७९
    पोखरा, २ माघ । पोखरा स्वास्थ्य विज्ञान प्रतिष्ठान(पश्चिमाञ्चल क्षेत्रीय अस्पताल) परिसर विगत दुई दिन देखि शोकमा डुबेको छ। पोखरामा आइतबार…
  • आँखा शिविरबाट दुई सय २० जना लाभान्वित

    राष्ट्र न्यूज सम्वाददाता पौष २७, २०७९
    पोखरा,२७ पुस । लायन्स क्लब अफ पोखरा लेकसिटी तथा दृष्टिविहीन कल्याण संघ कास्कीको संयुक्त आयोजनामा पर्वत जिल्ला कुश्मा नगरपालिकाको शिवालय…