आर्थिक अपराध नियन्त्रण गर्छु – श्रेष्ठ

राष्ट्र न्यूज सम्वाददाता
असार १५, २०७७
SP

पोखरा, १५ असार । जिल्ला प्रहरी कार्यालय कास्कीका प्रमुख प्रहरी उपरीक्षक जीवनकुमार श्रेष्ठले आर्थिक अपराध नियन्त्रणमा प्राथमिकता दिने बताएका छन् ।

विभिन्न १५ बुँदे प्राथमिकता अन्तर्गत उनले आर्थिक अपराध समस्याका रुपमा रहेकाले त्यसलाई प्राथमिकता दिने उल्लेख गरे ।

व्यवसायका लागि गरिने लेनदेन र ठगिका कारण आर्थिक अपराध हुने गरेको उनको भनाइ छ । आर्थिक अपराधसँगै लागु औषध, चोरी, जुवातास, गुण्डागर्दी नियन्त्रणमा पनि ध्यान दिने बताए ।

महानगरीय ट्राफिक प्रहरी महाशाखाबाट हालै कास्की प्रहरी प्रमुखका रुपमा सरुवा भई आएका उनले आइतबार पोखराका सञ्चारकर्मीसँग जुममार्फत् परिचय तथा अन्तक्र्रिया गरेका थिए ।

त्यस क्रममा उनले प्रहरी सेवालाई छिटो छरितो, सहज र पारदर्शी बताउँदै शान्ति सुरक्षा मजबुद बनाउने उल्लेख गरे ।
असार ८ गते कास्कीमा आएका उनले यहाँको भौगोलिक अवस्था र शान्ति सुरक्षाका अवस्था बारे जानकारी लिइसकेको बताए ।

उनले सबै क्षेत्रसँगको समन्वय र सहकार्यमा अघि बढ्ने उल्लेख गरे । गोरखा घर भएका प्रहरी उपरीक्षक २०५१ सालमा  प्रहरी सेवामा प्रवेश गरेका हुन् । केन्द्रीय अनुसन्धान ब्युरो र अपराध अनसन्धान महाशाखामा काम गरेको अनुभव छ। त्यस्तै, जिल्ला प्रहरी कार्यालय सिराहाको प्रमुखका रुपमा काम गरिसकेका छन् ।

त्यस अवसरमा पत्रकारहरुले पत्रकारलाई सहज रुपमा सूचना उपलब्ध गराउने वातावरण निर्माण गर्न आग्रह गरेका थिए ।

Related News

सम्बन्धित समाचार

  • सच्चाइमा सम्मान

    राष्ट्र न्यूज सम्वाददाता असार १९, २०७९
    पोखरा, १९ असार । ईश्वरीय मार्ग भजन मण्डल सच्चाइ केन्द्र नेपाल पोखरा १३ काँहुखोला शाखाले शनिवार सम्मान कार्यक्रम गरेको छ…
  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…