लकडाउनको असर वृद्वाश्रममा पनि, खाद्यान्न अभाव

राष्ट्र न्यूज सम्वाददाता
असार १४, २०७७
ashram

पोखरा, १४ असार । लामो समयको लकडाउनका कारण पोखरा १४ बाच्छेबुडुवामा रहेको वात्सायन वृद्वाश्रममा अभाव सृजना भएको छ ।

लकडाउनका कारण सहयोगी पुग्न नसकेपछि वृद्वाश्रममा अभाव सृजना भएको हो । पछिल्लो समय वृद्वाश्रमका लागि खाद्यान्न अभाव हुन थालेको छ ।वृद्वाश्रमप्रति कुनै पनि सरकारले ध्यान र चासो दिएका छैनन ।

पोखरा महानगरपालिकाले लकडाउनदेखि अहिलेसम्म १ कार्टुन तेल, मास्क, सेनिटाइजर र थोरै मसला बाहेक केही दिएको छैन ।

‘सहयोगीहरुको सहयोगबाट नै वृद्वाश्रम सञ्चालन हुँदै आएको छ, लकडाउनपछि सहयोगीहरु आउँने वातावरण छैन, त्यसैले अभाव भएको छ, उपाध्यक्ष रेमश जिसिले भने, यत्ति बेला वृद्वाश्रम धान्न धौ धौ परेको छ ।’

सामान्य अवस्थामा विभिन्न सहयोगी व्यक्ति तथा संस्था विभिन्न अवसर र सन्दर्भ पारेर सहयोग गर्न वृद्वाश्रम पुग्ने गर्दथे । तर चैत्र र वैशाख महिनामा वृद्वाश्रमले सहयोग नै पाएन । प्रत्यक महिना करीब १२ देखि १५ व्यक्ति तथा संघसंस्था सहयोग गर्न वृद्वाश्रम पुग्ने गरेको अध्यक्ष बोधराज कार्कीको भनाइ छ ।

२०६७ सालमा स्थापना भएको वृद्वाश्रममा हाल २० जना वृद्ववृद्वा आश्रित छन् । वृद्वाश्रमलाई थप व्यवस्थित बनाउनका लागि प्रयास समेत भैरहेको अध्यक्ष कार्कीले बताए ।

वृद्वाश्रम संञ्चालनमा कठिनाइ भैरहेको बेला शनिवार भने वृद्वाश्रमले सहयोग पाएको छ ।

स्व. दयाराम अधिकारीको स्मृतिमा श्रीमती डल्ली अधिकारी र छोरी लक्ष्मी अधिकारीले २१ हजार एक सय ११ सहयोग गरेका छन् ।

त्यस्तै, पोखरा १४ चाउथेका धर्मराज केसी र विष्णु केसीले १५ हजार पाँच सहित मास्क र सेनिटाइजर सहयोग गरेका छन् ।
ति सहयोग वृद्वाश्रमका अध्यक्ष बोधराज कार्कीलाई हस्तान्तरण गरिएको थियो ।

अध्यक्ष कार्कीले सहयोगदाताको सहयोगबाट वृद्वाश्रम सञ्चालन हुँदै आएको बताए ।

Related News

सम्बन्धित समाचार

  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…
  • एकता सामुदायिक क्लबको अध्यक्षमा गणेश

    राष्ट्र न्यूज सम्वाददाता असार ५, २०७९
    पोखरा, ५ असार । पोखरा–२० भलामस्थित एकता सामुदायिक क्लबको प्रथम अधिवेशनले गणेश बस्नेतको अध्यक्षतामा नयाँ कार्यसमिति चयन गरेको छ ।…