एक महिनाको राहत प्याकेज आवश्यक – कास्की काँग्रेस

Avatar राष्ट्र न्यूज सम्वाददाता
वैशाख ७, २०७७
flag

पोखरा, ७ वैशाख । नेपाली काँग्रेस कास्कीले कम्तिमा पनि एक महिनालाई पुग्ने गरी राहत प्याकेज ल्याउन माग गरेको छ ।

‘सरकारले वितरण गरेको राहत अन्त्यन्तै थोरै छ, १५ दिन लकडाउन गर्दा पाँच दिनलाई पनि नपुग्ने गरी राहत वितरण गरिएको छ, विज्ञप्तिमा भनिएको छ, त्यसलाई तत्काल सुधार गरी कम्तिमा एक महिनाको राहज प्याकेज ल्याउन माग गर्दछौं।’

कास्की काँग्रेसका सभापति कृष्ण केसीद्वारा जारी विज्ञप्तिमा राजनीतिक दल, सामाजिक संघ संस्थाको सहभागितामा राहत वितरण गर्न भनिएको छ ।

‘सामाजिक संघ संस्थासहित सर्वदलिय सयन्त्रमार्फत् राहत वितरण गरौं, विज्ञप्तिमा भनिएको छ, न्युन रहेको राहतलाई बढाउन आवश्यक छ।’

तथ्यांक संकलन गरी राहत व्यवस्थित र पारदर्शी गनुपर्ने देखिएको भन्दै विज्ञप्तिमा वडामा खाना खुवाउने व्यवस्था पनि अव्यवहारिक भएको जनाइएको छ ।

विज्ञप्तिमा राष्ट्रिय संकटमा रहेका बेला भूमि समस्या समाधान आयोगमा कार्यकर्ता नियुक्त गरेकोप्रति आपत्ति जनाएको छ ।
सरकारको सम्पूर्ण शक्ति र स्रोत नै कोरोना विरुद्व लगाउनुपर्ने समयमा आफ्ना कार्यकर्तालाई सुविधा दिन यस्तो नियुक्त गरिएको भन्दै आचोलना गरिएको हो ।

विज्ञप्तिमा पोखरा १९ घार्मिमा रहेको राष्ट्रिय वन फडानीमा युवा तथा खेलकुद मन्त्री जगत विश्वकर्मा संलग्न रहेको समाचार सार्वजनीक हुनु दुःखद् विषय भएको भन्दै त्यसप्रति ध्यानाकर्षण भएको जनाएको छ । वन फडानीको विषयमा आवश्यक अनुसन्धान गरी दोषीमाथि कारवाही गर्न कास्की काँग्रेसले माग गरेको छ ।

त्यस्तै, चिकित्सक शेरबहादुर पुनलाई कारवाही गर्ने समाचार सार्वजनीक भैरहदा स्वास्थ्यकर्मीको मनोबल घट्ने भन्दै स्वास्थ्यकर्मीलाई अनावश्यक दुःख दिने र मनोबल घटाउने कार्य तत्काल बन्द गर्न सरकारको ध्यानाकर्षण गराइएको छ ।

कास्की काँग्रेसका प्रवत्ता नवीन सिग्देलका अनुसार पार्टीले पनि कसरी राहत वितरण गर्ने भन्ने विषयमा पार्टीभित्र छलफल हुने बताए।

‘दुःखका बेला जनतासँगै नजिक छौं, कतिपय स्थानमा राहत वितरण पनि भएको छ, उनले भने, पार्टीको तर्फबाट के गर्न सकिन्छ भन्ने विषयमा गम्भीर छौं।’

Related News

सम्बन्धित समाचार

  • गुरुङ भाषाको चलचित्र ‘शिरसुबा’ को विशेष प्रदर्शन हुने

    Avatar राष्ट्र न्यूज सम्वाददाता फागुन १८, २०७७
    फागुन १८, पोखरा । ब्रेज मेश्रो फिल्म प्रोडक्शन घान्द्रुकको ब्यानरमा निर्मित गुरुङ भाषा तथा संस्कृतिमा आधारित दोस्रो चलचित्र शिरसुबाको फागुन…
  • प्रधानमन्त्री ओली पोखरा आउँदै

    Avatar राष्ट्र न्यूज सम्वाददाता फागुन १७, २०७७
    पोखरा, १७ फागुन । प्रधानमन्त्री केपी शर्मा ओली आज पोखरा आउँदै छन् । उनले पोखरामा नेकपा प्रदेश कमिटीले आयोजना गर्ने…
  • कैदीबन्दीबीच झडप हुँदा पाँच घाइते

    Avatar रासस फागुन १६, २०७७
    तनहुँ, १६ फागुन (रासस)। दमौली कारागारमा रहेका कैदीबन्दीबीच आज साँझ झडप हुँदा पाँच घाइते भएका छन् । झडपमा परी तीन…
  • घार्मीमा स्वास्थ्य चौकी भवन निर्माण

    Avatar राष्ट्र न्यूज सम्वाददाता फागुन १६, २०७७
    पोखरा, १६ फागुन । पोखरा महानगरपालिका वडा नं १९ घार्मीमा स्वास्थ्य चौकी भवन निर्माण भएको छ । संघीय सरकार स्वास्थ्य…
  • गलेश्वर मन्दिर पित्तलले छाइने

    Avatar रासस फागुन १६, २०७७
    म्याग्दी, १६ फागुन (रासस)।बेनी नगरपालिका–९ स्थित गलेश्वरको शिवालय मन्दिरको छाना फेरिने भएको छ । गलेश्वर शिवालय क्षेत्र विकास कोषको शनिबार…

Trending

ट्रेन्डिङ्ग