इक्वालिटि फाउण्डेशनद्वारा भद्रकालीलाई सहयोग

Avatar राष्ट्र न्यूज सम्वाददाता
माघ २४, २०७६
Equality foundetion

पोखरा, २४ माघ । इक्वालिटि फाउण्डेशनले पोखरा १३ स्थित भद्रकाली उच्च माविलाई कम्युटर कक्ष स्थापनाका लागि सहयोग गरेको छ ।

विद्यालयमा शुक्रबार आयोजित कार्यक्रमबीच फाउण्डेशनले २ लाख ३५ हजार रुपैया सहयोग प्रदान गरेको छ । सो रकम अमेरिकामा बसोबास गर्ने नेपालीहरुबाट चन्दा स्वरुप संकलन गरिएको हो ।

गण्डकी प्रदेशका मुख्यमन्त्री पृथ्वीसुब्बा गुरुङको उपस्थितिमा फाउण्डेशनकोतर्फबाट सदस्य प्रा.डा ताराकान्त सिग्देलले विद्यालय व्यवस्थापन समितिका अध्यक्ष लोकबहादुर कार्कीलाई सो रकम हस्तान्तरण गरेका थिए ।

कार्यक्रममा बोल्दै गण्डकी प्रदेशका मुख्यमन्त्री पृथ्वीसुब्बा गुरुङले विकासमा फड्को मार्न विज्ञान र प्रविधिको अधिकतम उपयोग गर्नुपर्ने बताए । उनले अध्ययन र अनुसन्धान बिना भौतिक पूर्वाधार निर्माण गर्न नहुने उल्लेख गरे ।

मुख्यमन्त्री गुरुङले शैक्षिक क्षेत्रमा हुने राजनीतिक भागवण्डा अन्त्य गर्न जरुरी रहेको औल्याए । शैक्षिक क्षेत्रमा ज्ञान र सीप भएको व्यक्तिलाई प्राथमिकता दिनुपर्ने उनको भनाइ थियो ।

फाउण्डेशनका सदस्य प्रा.डा ताराकान्त सिग्देलले विद्यार्थीका लागि कम्युटर सीप आवश्यक रहेकाले सहयोग गरिएको बताए ।

उनले विद्यार्थीलाई कम्युटर शिक्षा दिने कार्यक्रम पाइलट प्रोजेक्टका रुपमा अघि बढाउन गण्डकी प्रदेश सरकारलाई आग्रह गरे ।

‘अमेरिकाको बसाइँसँगै केही कुरा सिकेका छौं’, उनले भने, ‘सिकेका कुरा समाज र देशका लागि दिन चाहन्छौं।’ सदस्य सिग्देलले सहयोगीहरुप्रति आभार पनि व्यक्त गरे ।

विद्यालयका प्रधानाध्यापक घनश्याम रिजालले व्यवहारिक र सीपमूलक शिक्षा अहिलेको आवश्यकता भएको बताए ।

कार्यक्रममा लुमा उपकरणको डेमोस्ट्रेशन गरिएको थियो । फाउण्डेशनका इन्जिनियर कविन्द्र मानन्धरले सो उपकरण बारे जानकारी दिएका थिए । १० वर्षसम्म अमेरिकामा गरिएको अध्ययन अनुसन्धानपछि सो उपकरणको विकास गरिएको हो । इन्टरनेट र कम्युटर बिनापनि विद्यार्थीको पठनपाठनमा सघाउने प्रविधि लुमा उपकरण हो ।

विद्यालय व्यवस्थापन समितिका अध्यक्ष लोकबहादुर कार्कीको अध्यक्षतामा भएको कार्यक्रम सहायक प्रधानाध्यापक राजेन्द्र भण्डारीले सञ्चालन गरेका थिए ।

Related News

सम्बन्धित समाचार

  • गुरुङ भाषाको चलचित्र ‘शिरसुबा’ को विशेष प्रदर्शन हुने

    Avatar राष्ट्र न्यूज सम्वाददाता फागुन १८, २०७७
    फागुन १८, पोखरा । ब्रेज मेश्रो फिल्म प्रोडक्शन घान्द्रुकको ब्यानरमा निर्मित गुरुङ भाषा तथा संस्कृतिमा आधारित दोस्रो चलचित्र शिरसुबाको फागुन…
  • प्रधानमन्त्री ओली पोखरा आउँदै

    Avatar राष्ट्र न्यूज सम्वाददाता फागुन १७, २०७७
    पोखरा, १७ फागुन । प्रधानमन्त्री केपी शर्मा ओली आज पोखरा आउँदै छन् । उनले पोखरामा नेकपा प्रदेश कमिटीले आयोजना गर्ने…
  • कैदीबन्दीबीच झडप हुँदा पाँच घाइते

    Avatar रासस फागुन १६, २०७७
    तनहुँ, १६ फागुन (रासस)। दमौली कारागारमा रहेका कैदीबन्दीबीच आज साँझ झडप हुँदा पाँच घाइते भएका छन् । झडपमा परी तीन…
  • घार्मीमा स्वास्थ्य चौकी भवन निर्माण

    Avatar राष्ट्र न्यूज सम्वाददाता फागुन १६, २०७७
    पोखरा, १६ फागुन । पोखरा महानगरपालिका वडा नं १९ घार्मीमा स्वास्थ्य चौकी भवन निर्माण भएको छ । संघीय सरकार स्वास्थ्य…
  • गलेश्वर मन्दिर पित्तलले छाइने

    Avatar रासस फागुन १६, २०७७
    म्याग्दी, १६ फागुन (रासस)।बेनी नगरपालिका–९ स्थित गलेश्वरको शिवालय मन्दिरको छाना फेरिने भएको छ । गलेश्वर शिवालय क्षेत्र विकास कोषको शनिबार…

Trending

ट्रेन्डिङ्ग