नेता शुक्रराज शर्माको पुस्तकको प्रशंसा नै प्रशंसा

राष्ट्र न्यूज सम्वाददाता
माघ ३, २०७६
Sukraj sharma pustak

पोखरा, ३ माघ । नेपाली काँग्रेसका नेता शुक्रराज शर्माद्वारा लिखित काँङ्ग्रेसमा सङ्कल्पित ५२ वर्ष नामक पुस्तकको पोखरामा शुक्रबार परिचर्चा गरिएको छ ।

प्रजातान्त्रिक विचार समाज कास्कीले गरेको कार्यक्रममा विश्लेषक, अधिवत्ता र नेताहरुले पुस्तकको चर्चा मात्रै गरेनन् प्रशंसा नै प्रशंसा गरे ।

५ दशक बढी समय नेपाली काँग्रेसको राजनीतिमा बिताएका शर्माले लेखेको सो पुस्तक २ सय ३६ पृष्ठको छ ।
पुस्तकमा शर्माको जीवनका महत्वपूर्ण घटनासँगै राजनैतिक अनुभव, गणतन्त्रका १० वर्ष, १६ वर्ष जिल्ला सभापति, वीपीले लेख्न खोजेको इतिहास, वीपी मेलमिलापका पाँच वर्ष र काँग्रेसको अबको बाटो लगायतका सामग्री छन् ।

कार्यक्रममा नेपाली काँग्रेसका महामन्त्री डा शंशाक कोइरालाले पुस्तक युवा वर्गका लागि प्रेरणाको स्रोत बन्ने बताए ।
कास्की काँग्रेसका सभापति कृष्ण केसीले लोकतन्त्रवादीका लागि सो पुस्तक पूँजी भएको उल्लेख गरे ।

विश्लेषक डा शोभाकर पराजुलीले नेता शर्माले लोभ, आशा, लालचाभन्दा माथि उठेर पुस्तक लेखेको बताए ।

अर्का विश्लेषक प्रा.डा सुरेन्द्र केसीले सरल र राम्रो भाषा प्रयोग गरिएका कारण पुस्तक पढ्न सजिलो रहेको बताए । उनले पुस्तकमा राष्ट्रिय स्वाधिनताको रक्षाका लागि मुलुकलाई आत्मनिर्भर बनाउनुपर्ने विषय समावेश गरिएको भन्दै प्रशंसा गरे ।

वरिष्ठ अधिवक्ता तिलक पराजुलीले वर्तमान र भावि पुस्ता दुवैका लागि पुस्तक उपयोगी रहेको बताए ।

कार्यक्रममा नेपाली काँग्रेस नीति तथा प्रशिक्षण विभाग सदस्य प्रा.डा कुसुमाकर न्यौपानेले काँग्रेस र प्रजातन्त्रलाई माथि उठाउन नेता शर्माले जीवन समर्पित गरेको उल्लेख गरे ।

प्रजातान्त्रिक विचार समाज गण्डकी प्रदेश संयोजक अक्कलदेव मिश्रले नेता शुक्रराज शर्मा काँग्रेसको आइकन भएको बताए ।

कार्यक्रममा समाजका सचिव बासुदेव त्रिपाठी र पुस्तकका सम्पादक रेवतीरमण सुवेदीले पनि बोलेका थिए ।

प्रजातान्त्रिक विचार समाज कास्कीका अध्यक्ष डा. गिरिधारी शर्माको अध्यक्षतामा भएको कार्यक्रममा उपाध्यक्ष वीरबहादुर कार्कीले स्वागत र सचिव शिशुकला पराजुलीले सञ्चालन गरेकी थिइन् ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…