प्रहरीले पत्रकार अधिकारीलाई आतंकित पारेकोमा प्रेस युनियन कास्कीको आपत्ति

Avatar राष्ट्र न्यूज सम्वाददाता
मंसिर २४, २०७६
66701617_10211235857011451_1317272370968264704_n

पोखरा, २४ मंसिर । नेपाल प्रेस युनियन कास्कीले पोखराका पत्रकार राजेन्द्र अधिकारीलाई प्रहरी प्रशासनले आतंकित पार्ने काम गरेकोभन्दै त्यसप्रति ध्यानाकर्षण भएको जनाएको छ ।

केही दिन यता पत्रकार अधिकारीलाई विभिन्न वहानामा आतंकित बताउँदा उनी पोखराबाट विस्थापित हुनुपरेको भन्दै तत्काल पोखरा फर्केर पत्रकारिता गर्ने वातावरण निर्माण गर्न माग गरेकोे छ ।

कुनै पनि वहानामा पत्रकारलाई प्रभावित पारिनु निन्दनीय छ विज्ञप्तिमा भनिएको छ –‘पत्रकारलाई आतंकित पार्न छोडेर सुरक्षाको प्रत्याभूति दिन माग गर्दछौं।’

युनियनका अध्यक्ष नवीन सिग्देल र सचिव प्रदीप पौडेलद्वारा हस्ताक्षरित विज्ञप्तिमा पत्रकार अधिकारीलाई शारीरिक तथा मानसिक याताना दिने उद्देश्यले सादा पोशाकका प्रहरी खटाइ जिल्ला प्रहरी कार्यालय कास्कीले निगरानी गरेकोप्रति आपत्ति जनाइएको छ ।

विज्ञप्तिमा राजनैतिक आस्थाका आधारमा पटकपटक पत्रकारलाई पक्राउ गर्ने र यातना दिने क्रम नरोकिएको भन्दै त्यस्ता गतिविधि तत्काल रोक्न माग गरिएको छ ।

संविधानमा पूर्ण प्रेस स्वतन्त्रता उल्लेख गरिएपनि समाचारको विषयलाई लिएर पत्रकारलाई आतंकित पारिनु निन्दनीयसँगै संविधान विपरीत रहेको हाम्रो ठहर छ ।

नेपाल प्रेस युनियन कास्की प्रहरीबाट हुने यस्ता कार्यको घोर भत्सर्ना गर्दै प्रेस स्वतन्त्रताको सम्मान गरी पत्रकारलाई स्वतन्त्र, निर्वाध र सुरक्षित रुपमा काम गर्ने वातावरण निर्माण गर्न जोडदार माग गर्दछ ।

अधिकारी नेपाल पत्रकार महासंघ कास्कीका पूर्व उपाध्यक्ष हुन् । हाल उनी न्यूज २४ टेलिभिजनमा आवद्व छन् ।

Related News

सम्बन्धित समाचार

  • गुरुङ भाषाको चलचित्र ‘शिरसुबा’ को विशेष प्रदर्शन हुने

    Avatar राष्ट्र न्यूज सम्वाददाता फागुन १८, २०७७
    फागुन १८, पोखरा । ब्रेज मेश्रो फिल्म प्रोडक्शन घान्द्रुकको ब्यानरमा निर्मित गुरुङ भाषा तथा संस्कृतिमा आधारित दोस्रो चलचित्र शिरसुबाको फागुन…
  • प्रधानमन्त्री ओली पोखरा आउँदै

    Avatar राष्ट्र न्यूज सम्वाददाता फागुन १७, २०७७
    पोखरा, १७ फागुन । प्रधानमन्त्री केपी शर्मा ओली आज पोखरा आउँदै छन् । उनले पोखरामा नेकपा प्रदेश कमिटीले आयोजना गर्ने…
  • कैदीबन्दीबीच झडप हुँदा पाँच घाइते

    Avatar रासस फागुन १६, २०७७
    तनहुँ, १६ फागुन (रासस)। दमौली कारागारमा रहेका कैदीबन्दीबीच आज साँझ झडप हुँदा पाँच घाइते भएका छन् । झडपमा परी तीन…
  • घार्मीमा स्वास्थ्य चौकी भवन निर्माण

    Avatar राष्ट्र न्यूज सम्वाददाता फागुन १६, २०७७
    पोखरा, १६ फागुन । पोखरा महानगरपालिका वडा नं १९ घार्मीमा स्वास्थ्य चौकी भवन निर्माण भएको छ । संघीय सरकार स्वास्थ्य…
  • गलेश्वर मन्दिर पित्तलले छाइने

    Avatar रासस फागुन १६, २०७७
    म्याग्दी, १६ फागुन (रासस)।बेनी नगरपालिका–९ स्थित गलेश्वरको शिवालय मन्दिरको छाना फेरिने भएको छ । गलेश्वर शिवालय क्षेत्र विकास कोषको शनिबार…

Trending

ट्रेन्डिङ्ग