पोखरा भाँडा व्यवसायी संघद्वारा सहयोग

राष्ट्र न्यूज सम्वाददाता
श्रावण ११, २०७६
IMG_6486

पोखरा, ११ साउन । १२ औं वार्षिकोत्सवको अवसरमा पोखरा भाँडा व्यवसायी संघ कास्कीले पोखरा २४, कास्कीकोटस्थित सिद्व बराह आधारभूत विद्यालयलाई सहयोग गरेको छ ।

संघले शैक्षिक तथा खेलकुद सामग्री सहित चम्चा, गिलास, जग गरी करीब ४० हजार मूल्य बराबरको सहयोग गरेको हो । संघले सामाजिक उत्तरदायित्व अन्तर्गत वर्षेनी सहयोग गर्दै आइरहेको छ ।

कार्यक्रममा संघका सल्लाहाकार कुश कार्कीले संघले व्यवसायिक हितसँगै सामाजिक उत्तरदायित्वलाई पनि उत्तिकै महत्व दिएको बताए । उनले व्यावसायीले समाजको आवश्यकता बुझी त्यसै अनुरुप सहयोग गर्ने उल्लेख गरे ।

नेपाल प्रेस युनियन कास्कीका अध्यक्ष नवीन सिग्देलले राजनीतिक व्यवस्था परिवर्तन भएपनि जनताको व्यथा र आवश्यकता जस्ताको तेस्तै रहेको उल्लेख गरे ।

विद्यालय व्यवस्थापन समितिका अध्यक्ष शालिकराम सुबेदीले विद्यार्थीका लागि पोशाक आवश्यक रहेकाले अन्य दातासँगबाट सहयोग जुटाईदिन आग्रह गरे ।

कार्यक्रममा पोखरा २४ वडासदस्य सन्तु सुबेदी, विद्यालयका प्रधानाध्यापक भोलानाथ अधिकारी लगायतले बोलेका थिए ।

संघका अध्यक्ष बलराम तिमिल्सिनाको अध्यक्षतामा भएको कार्यक्रममा कार्यक्रम संयोजक प्रथम उपाध्यक्ष नरेन्द्रप्रसाद आचार्यले स्वागत र सचिव लक्ष्मीप्रसाद अधिकारीले संचालन गरेका थिए ।

त्यस अवसरमा संघका सल्लाहाकार राजमान ताम्राकारले आफ्नो व्यक्तिगत तर्फबाट नर्सरीका विद्यार्थी स्पर्श चपाईलाई विद्यालय पोशाक र जुत्ताकालागि २ हजार ५ सय रुपैयाँ सहयोग गरेका थिए ।

संघले वार्षिकोत्सवको अवसरमा साउन २५ गते शनिवार पोखराको बीपी चोकमा रक्तदान कार्यक्रम गर्न लागेकाले सहभागिताका लागि अनुरोध गरेको छ । संघले छिट्टै सहकारी संचालन ल्याउने तयारी पनि गरेको छ ।

Related News

सम्बन्धित समाचार

  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…
  • एकता सामुदायिक क्लबको अध्यक्षमा गणेश

    राष्ट्र न्यूज सम्वाददाता असार ५, २०७९
    पोखरा, ५ असार । पोखरा–२० भलामस्थित एकता सामुदायिक क्लबको प्रथम अधिवेशनले गणेश बस्नेतको अध्यक्षतामा नयाँ कार्यसमिति चयन गरेको छ ।…