कालिका बहुमुखी क्याम्पस प्रमुखमा रवीन्द्रनाथ बाँस्तोला

राष्ट्र न्यूज सम्वाददाता
श्रावण ५, २०७६
67272151_2339422756177256_8025174464482246656_n

पोखरा, ५ श्रावण । पोखराको काजीपोखरीमा रहेको कालिका बहुमुखी क्याम्पसको प्रमुखमा रवीन्द्रनाथ बाँस्तोला नियुक्त भएका छन् ।

क्याम्पस सञ्चालक समितिका अध्यक्ष तथा सांसद सूर्यबहादुर केसीको अध्यक्षतामा शुक्रबार बसेको बैठकले बाँस्तोलालाई आगामी कार्यकालको लागि क्याम्पस प्रमुख बनाउने सर्वसम्मत निर्णय गरेको हो । क्याम्पसका नियमावली अनुसार उनको कार्यकाल ४ बर्षको हुनेछ ।

पोखरा ११ फूलबारी निवासी बाँस्तोलाले विगत २२ बर्षदेखि प्राध्यापन गर्दै आएका थिए ।

सामुदायिक क्याम्पसहरुको हकहितको पक्षमा विभिन्न योगदान दिएका बाँस्तोला प्राध्यापक संघ कालिका क्याम्पसका अध्यक्ष, नेपाल पब्लिक क्याम्पस संघ कास्कीका उपाध्यक्ष तथा सुनास कास्कीको सचिव पदमा पनि कार्यरत रहेका छन् ।
कालिका बहुमुखी क्याम्पसमा यस अघि बालाकृष्ण शर्माले प्रमुखको जिम्मेवारी सम्हाल्दै आएका थिए ।

शुक्रबार बसेको क्याम्पस सञ्चालक समितिको बैठकले उनले सफलतापूर्वक कार्यकाल पूरा गरेकोमा धन्यबाद दिने प्रस्ताव पनि पारित गरेको छ ।

०४८ सालमा स्थापना भएको कालिका बहुमुखी क्याम्पसमा हाल स्नातकोत्तर तहसम्म अध्यपन भैरहेको छ भने १ हजार दुईसय भन्दा बढी विद्यार्थीहरु अध्ययनरत रहेका छन् ।

नेपाल पत्रकार महासंघ कास्कीका पूर्व अध्यक्ष समेत रहेका बाँस्तोला हिमदूत राष्ट्रिय दैनिकका सम्पादक र यस दैनिकको सञ्चालक संस्था हिमदूत मिडिया प्रालिका अध्यक्ष, रेडियो तरङ्ग १०७.६ मेगाहर्जको सञ्चालक संस्था तरङ्ग प्रालिका पनि अध्यक्ष रहेका छन् ।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…