संगम टोलका योजना

राष्ट्र न्यूज सम्वाददाता
असार १६, २०७६
sarsafai 2 – Copy

पोखरा, १६ असार । ‘हामी सवै जुट्यौ भने असम्भव केही छैन, हामी प्रतिबद्व छौं’ हाम्रो टोल सुन्दर बनाउछौं भन्ने मूल नाराका साथ पोखरा–१३, स्थित संगम टोल विकास संस्थाले टोललाई व्यवस्थित बनाउनका लागि विभिन्न योजना सहितका कार्यक्रम अघि सारेको छ ।

संस्थाले टोलभित्र छाडा वा पालिएका कुकुर नियन्त्रण गर्ने, बालबालिकालाई बाटोमा खेल्न नदिने सिसि क्यामेरा जडान गर्ने, मादक पदार्थ सेवन गरी होहल्ला नदिने, ससाना बालबालिकालाई समयनै खोप लगाउन जनचेतना जगाउने र हरेक महिनाको दोस्रो शनिवार टोल सरसफाइ अभियान संचालन गर्ने योजना अघि सारेको छ ।

टोललाई व्यवस्थित बनाउनका लागि योजना अघि सारेका हौं, टोल विकास संस्थाका अध्यक्ष धर्मराज पौडेल अल्पायूले भने – योजनालाई सफल बनाउनका लागि सवै टोलबासिको सहयोग र सहभागिता आवश्यक छ । उनले टोलले अघि सारेका योजनामा सहभागि नहुने र सहयोग नगर्नेलाई कारवाही गरिने जानकारी दिए ।

टोलमा शनिवार आयोजित कार्यक्रमवीच सरसफाइ अभियान शुभारम्भ गरिएको छ । प्रहरी सहायक निरीक्षक कृष्णबहादुर तामाङ र नेपाल प्रेस युनियन कास्कीका अध्यक्ष नवीन सिग्देलले संयुक्त रुपमा शुभारम्भ गरेका थिए ।

संगम टोल विकास संस्थाका अध्यक्ष धर्मराज पौडेलको अध्यक्षतामा भएको कार्यक्रम सचिव लक्ष्मी थापा मगरले गरेकी थिइन् ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…