पोखरा, १६ वैशाख । नेपाली काँग्रेस कास्कीले पोखरा विश्वविद्यालयमा भैरहेको
आन्दोलन र असहज परिस्थितिप्रति ध्यानाकर्षण भएको जनाउँदै तत्काल समस्या
समाधान गर्न माग गरेको छ ।
विश्वविद्यालय परिषरमा प्रहरीको परेड, रक्तमुछेल, लाठिचार्ज, गिरफ्तारी र
धरपकड नसुहाएको भन्दै घटनाको निन्दा गरेको छ । विज्ञप्तिमा समस्या समाधान
प्रहरी प्रशासनको बल प्रयोगबाट हुन नसक्ने जनाइएको छ ।
कास्की काँग्रेसका सभापति कृष्ण केसीद्वारा हस्ताक्षरित विज्ञप्तिमा कार्यालयभन्दा
बाहिर अदृश्य र भुमिगत बसेर विश्वविद्यालयको समस्या सामाधान खोज्ने शैलि
ढुङगेयुगको जस्तै भएको उल्लेख छ ।
विज्ञप्तिमा पोखरा विश्वविद्यालयको समस्या बढ्दै जानुमा विश्वविद्यालय नेतृत्व र
पदाधिकारीको अदुरदर्शी निर्णय, अकर्मण्य कार्यशैली र हठ भएको जनाइएको छ ।
विज्ञप्तिमा विश्वविद्यालयमा स्वच्छ गुणस्तरीय शैक्षिक वातावरण कायम गर्न र गरिमा
उचो पार्ने तर्फ ध्यान दिन आग्रह गरिएको छ ।
विज्ञप्तिमा गिरफ्तार विद्यार्थी रिहा गर्न, घाइतेको उपचार व्यवस्था गर्न र स्वच्छ
शैक्षिक वातावरणमा सम्पूर्ण विद्यार्थीलाई निर्वाध परिक्षा दिन पाउँन अवस्था
सृजना गर्न माग गरिएको छ ।
Related News
सम्बन्धित समाचार
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
Archives
Archives