पोखरा, ४ माघ । कास्कीका अग्रज काँग्रेस नेता प्रजातन्त्र सेनानी केशवराज रेग्मीको ७३ वर्षको उमेरमा बिहीबार निधन भएको छ ।
पोखरा विन्ध्यवासिनी घर भएका रेग्मीको राजधानी सामाखुशीस्थित बहिनीको घरमा अपरान्ह चार बजे निधन भएको हो । रेग्मी विगत १५ वर्षदेखि दम रोगबाट प्रभावित छन् ।
उनका दुई श्रीमती र ५ जना दिदीबहिनी छन् । उनको शुक्रबार राजधानी आर्यघाटमा अन्त्येष्टि गरिएको छ ।
०३० सालमा गण्डकी छात्र समितिबाट राजनीतिमा प्रवेश गरेका रेग्मी नेपाल तरुण दल कास्कीका संस्थापक हुन्।
तत्कालिन अवस्थामा उनी नेपाली काँग्रेस पोखरा नगर सभापति समेत भएर पार्टीका लागि काम गरेका थिए । काँग्रेसका संस्थापक वीपी कोइराला पोखरा आउँदा रेग्मी स्वागत समितिको संयोजक थिए ।
पञ्चायति व्यवस्था बिरुद्वको आन्दोलनमा सहभागि हुदाँ पटक÷पटक गरी उनी पाँच वर्षसम्म जेल बसेका थिए ।
पञ्चायति व्यवस्था विरुद्व उनी जनचेतना अभिवृद्वि गर्न सम्मति नामक पत्रिकाको सम्पादक भएर काम गरेका थिए ।
यसैबीच, कास्की काँग्रेसका सभापति कृष्ण केसीले बिहीबार नै शोक विज्ञप्ति प्रकाशित गरी रेग्मीको निधनले पार्टीमा अपुरणिय क्षति पुगेको उल्लेख गरेका छन् ।
विज्ञप्तिमा दिवंगत आत्माको चिरशान्तिको कामना गर्दै परिवारजनप्रति समवेदना व्यक्त गरिएको छ ।
Related News
सम्बन्धित समाचार
संस्थापक अध्यक्ष पौडेलको स्मृतिमा अक्षय कोष स्थापना गरिने
विविध कार्यक्रम गरी राष्ट्रिय वाणिज्य बैंक ४८ औं वार्षिकोत्सव मनाउँदै
शव कुर्दै आफन्त
आँखा शिविरबाट दुई सय २० जना लाभान्वित
११ औं पोखरा महोत्सवको तयारी पूरा