उपकुलपति गुरुङलाई लक्ष्मी स्मृति पुरस्कार

राष्ट्र न्यूज सम्वाददाता
पौष १७, २०७५
48392322_1930295183756110_7795957467258552320_o

पोखरा, १६ पुस । यसपटकको लक्ष्मी स्मृति पुरस्कारबाट नेपाल प्रज्ञा प्रतिष्ठानका उपकुलपति डा. जगमान गुरुङलाई सम्मान गरिने भएको छ ।

प्रा. तारा बरालको संयोजकत्वमा गठित प्रतिभा छनोट समितिले उनलाई सो पुरस्कार प्रदान गर्ने निर्णय गरेको हो ।

समितिको सदस्यमा सहप्राध्यापक रामगोपाल ढेवाजु र बरिष्ठ पत्रकार रवीन्द्र बास्तोला सदस्य थिए । पुरस्कारको राशी नगद ३० हजार पाँच सय ५५ सहित दोसल्ला र सम्मानपत्र रहेको छ ।

नेपाली भाषा, इतिहास, संस्कृति, पुरातत्व, ज्योतिष विज्ञानको उच्च अध्ययन र अध्यापनद्वारा पुर्याएको योगदानको कदर गर्दै सो पुरस्कारबाट सम्मान गर्न लागिएको हो । स्व. लक्ष्मी सिग्देलको स्मृति दिवसमा पुस २० गते शुक्रबार विशेष समारोहबीच सो पुरस्कार प्रदान गरिने छ ।

गण्डकी प्रदेश प्रमुख बाबुराम कुँवरको प्रमुख आतिथ्यतामा कार्यक्रम गरी पुरस्कार हस्तान्तरण गरिने पृथ्वीधर सिग्देल समाजका अध्यक्ष कृष्णप्रसाद सिग्देलले जानकारी दिए।

स्व. सिग्देलले झण्डै चार दशकभन्दा बढी समयसम्म शैक्षिक क्षेत्रको माध्यमबाट सामाजिक विकासमा योगदान पुर्याएकी थिईन् । उनको स्मृतिमा छोरा शरदकान्त सिग्देल र छोरी शारदा सिग्देल पराजुलीले दुई लाखको अक्षयकोषबाट पुरस्कार स्थापना गरेका हुन् ।

पृथ्वीधर सिग्देल समाजले संचालन गर्दै आएको सो पुरस्कार प्रत्यक दुई वर्षमा शिक्षा तथा समाज सेवामा विशिष्ट योगदान पुर्याएका व्यक्तित्वलाई सम्मान गरिदैं आएको छ ।

यसअघि, सो पुरस्कारबाट शिक्षासेवी बलवीरसिंह नेगी र समाजसेवी गणेशबहादुर श्रेष्ठलाई सम्मान गरिएको थियो ।

Related News

सम्बन्धित समाचार

  • सच्चाइमा सम्मान

    राष्ट्र न्यूज सम्वाददाता असार १९, २०७९
    पोखरा, १९ असार । ईश्वरीय मार्ग भजन मण्डल सच्चाइ केन्द्र नेपाल पोखरा १३ काँहुखोला शाखाले शनिवार सम्मान कार्यक्रम गरेको छ…
  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…