पोखरा, १ पुस । नेपाल तरुण दल कास्कीको उपसभापतिमा दिपक गुरुङ (माइला)लाई मनोनयन गरिएको छ ।
तरुण दल कास्कीको आइतबार सम्पन्न बैठकले गुरुङलाई उपसभापतिमा मनोनयन गरेको हो ।
बैठकमा तरुण दल कास्कीका अध्यक्ष मनोज गुरुङले उपसभापतिमा दिपक गुरुङलाई गरेको प्रस्ताव सर्वसम्मत पारित गरेको थियो । पोखरा महानगरपालिका वडा नं १३ निवासी गुरुङ साविकको नेपाल तरुण दल कास्की क्षेत्र नं २ कास्कीका सभापति समेत हुन् ।
गुरुङ मनोनित भएसँगै तरुण दल कास्कीमा दुई जना उपसभापति भएका छन् । तरुण दलको जिल्ला, क्षेत्र, नगर र वडा तहसम्ममा दुई जना उपसभापति राख्ने निर्णय अनुसार उपसभापति थप गरिएको बताइएको छ ।
तरुण दल कास्कीमा सदस्य पनि मनोनयन गरिएको छ । मनोनित हुनेहरुमा मिलन रायमाझी, वीरेन्द्र गुरुङ, जंगबहादुर हमाल, राम रानाभाट, प्रकाश गुरुङ, पवित्रा थापा, मधु श्रेष्ठ, विष्णुप्रसाद बराल र भिममाया सुवेदी छन् ।
Related News
सम्बन्धित समाचार
राष्ट्रिय माविको हीरक महोत्सव
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
Archives
Archives