लोकतान्त्रिक वैचारिक प्रतिष्ठान गण्डकी प्रदेशको संयोजकमा मोति

राष्ट्र न्यूज सम्वाददाता
मंसिर ९, २०७५
motiraj timilsina

पोखरा, ९ मंसिर । लोकतान्त्रिक वैचारिक प्रतिष्ठान नेपाल गण्डकी प्रदेशको संयोजकमा मोतिराज तिमिल्सिना चयन भएका छन् ।

लोकतान्त्रिक वैचारिक प्रतिष्ठान नेपालको पोखरामा भएको प्रदेश स्तरीय भेलाले तिमिल्सिनालाई संयोजकमा चयन गरेको हो ।

गण्डकी प्रदेशमा रहेका सवै जिल्लालाई समेटेर छिट्टै नै प्रतिष्ठानलाई पूर्णता दिने गण्डकी प्रदेश संयोजक तिमिल्सिनाले बताए ।

यसअघि कार्यक्रममा बोल्दै प्रमुख अतिथि नेपाली काँग्रेस क्षेत्र नं ३ कास्कीका क्षेत्रीय सभापति पोषनाथ शर्माले लोकतन्त्रको पक्षमा वैचारिक वहस गर्न प्रतिष्ठान अग्रसर हुनु पर्ने बताए ।

कार्यक्रममा लोकतान्त्रिक वैचारिक प्रतिष्ठानका महासचिव विष्णुप्रसाद अधिकारीले प्रतिष्ठानको बारेमा जानकारी गराएका थिए ।

कार्यक्रममा डिएलए कास्कीका अध्यक्ष विष्णुप्रसाद शर्मा मरासिनी, जनप्रिय क्याम्पस कल्याणकारी क्लबका संस्थापक प्रकाशदेव पालिखे, अधिवक्ता नारायण प्रसाद पौडेल, नेपाली काँग्रेसका आमन्त्रित जिल्ला सदस्य दिनेशराज पौडेल, संवाद नेपालका अध्यक्ष निलकण्ठ शर्मा, नेपाली काँग्रेस पोखरा–७ का इकाइ सभापति नविनराज बराल, इकाइ सभापति दुर्गा सुवेदी, नेपाली काँग्रेस क्षेत्र नं. ३ का क्षेत्रीय सदस्य लक्ष्मीप्रसाद पौडेल, विद्यार्थी नेता विश्वराज पौडेल, विद्यार्थी नेता डिफान भुजेलले बोलेका थिए ।

लोकतान्त्रिक वैचारिक प्रतिष्ठान नेपालका अध्यक्ष रामचन्द्र पौडेल (आरसी विमल) को अध्यक्षतामा भएको कार्यक्रममा सल्लाहकार सुकदेव काफ्लेले स्वागत र सन्तोष पौडेलले कार्यक्रम सञ्चालन गरेका थिए ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…