हत्यारालाई कारवाही गर्न माग गर्दै तरुण दल प्रशासनमा

राष्ट्र न्यूज सम्वाददाता
भाद्र २७, २०७५
41505279_2161327867524619_5361896820832206848_n

पोखरा, २५ भदौ । नेपाल तरुण दल कास्कीले तरुण दल रोल्पा नगरपालिकाका अध्यक्ष रोहित पुनको हत्यामा संलग्नलाई कारवाही गर्न मागगर्दै प्रधानमन्त्रीलाई ज्ञापनपत्र पठाएको छ ।

तरुण दल कास्कीले मङ्गलबार जिल्ला प्रशासन कार्यालय कास्की मार्फत प्रधानमन्त्रीलाई ज्ञापन पत्र पठाएको हो ।

नेपाल तरुण दल कास्कीका अध्यक्ष मनोज गुरुङले कास्कीका प्रमुख जिल्ला अधिकारी चक्रबहादुर बुढालाई ज्ञापन पत्र बुझाएका थिए ।

ज्ञापन पत्रमा सरकारमा रहेको दल नेकपाका कार्यकर्ताहरुले पुनलाई गोली प्रहार गरी हत्या गरेको भन्दै घटनाको निन्दा गरिएको छ ।

ज्ञापन पत्रमा घटनाको सत्यतथ्य छानबिन गर्न र पुनलाई शहिद घोषणा गर्न माग गरिएको छ ।

पुनलाई शहिद घोषणा नगरे तरुण दल जस्तो सुकै कदम चाल्न पनि पछि नपर्ने चेतावनी समेत दिइएको छ ।

ज्ञापन पत्र बुझाउन नेपाल तरुण दल कास्कीका अध्यक्ष मनोज गुरुङको नेतृत्वमा सचिव नरेन थापा, क्षेत्रीय अध्यक्षहरु दिपक गुरुङ, डिआर भट्टराई, नेपाल विद्यार्थी संघका केन्द्रीय सदस्य भानु ढकाल, विद्यार्थी नेताहरु तारानाथ अधिकारी र दिपेन्द्र लामिछाने लगायतको टोलि जिल्ला प्रशासन कार्यालय पुगेको थियो ।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…

Archives

Archives