पोखरा, १४ साउन । पोखरामा आइतबार रसायनिक विषादीले मानव स्वास्थ्य र पर्यावरणमा पार्ने असर बारे सचेतनामूलक कार्यक्रम गरिएको छ ।
लायन्स क्लब अफ पोखरा पिस टाउन र कारितास नेपाल पोखराले संयुक्त रुपमा पोखरा महानगरपालिका वडा नं ७ स्थित श्रीकृष्ण माविमा कार्यक्रम गरेकोे हो ।
कार्यक्रममा नाटकको माध्यमबाट विषादीले मानवस्वास्थ्य र पर्यावरणमा पार्ने असर तथा त्यसबाट बच्ने उपायका बारेमा जानकारी गराइएको कारितास नेपाल पोखराकी प्रमुख शोभा आचार्यले जानकारी दिईन् । विद्यालयका विद्यार्थी, शिक्षक र कर्मचारीले रुचिपूर्वक नाटक अवलोकन गरेका थिए ।
डिष्टिक एड्भाइजर किशोर बरालको प्रमुख आतिथ्यतामा कार्यक्रम भएको हो । कार्यक्रममा श्रीकृष्ण मावि व्यवस्थापन समितिका अध्यक्ष तेजनारायण अधिकारी, प्रधानाध्यापक केदारनाथ अधिकारीले बोलेका थिए ।
लायन्स क्लब अफ पोखरा पिस टाउनकी अध्यक्ष डा. बिनिता कोइराला शर्माको अध्यक्षतामा भएको कार्यक्रममा सचिव सिता तिमिल्सिना सुवेदीले संचालन गरेकी थिईन् ।
Related News
सम्बन्धित समाचार
महिला दिवसमा गृह श्रमिक संघ कास्कीको विविध कार्यक्रम
मर्दीखोला शैक्षिक प्रतिष्ठानद्वारा ५ लाख बराबरको छात्रवृत्ति र शैक्षिक सामाग्री वितरण
महाकाव्यकार चालिसेको मैले देखेको पोखरा लोकर्पण
नेपाल लोकतान्त्रिक उद्योग वाणिज्य संघको स्थापना दिवस
१३ औं रुपा तालबेसी फागु महोत्सव हुने