कर्म–कर्ण आदिवासी जनजाति पत्रकारिता पुरस्कारबाट राजबहादुर गुरुङ सम्मानित

राष्ट्र न्यूज सम्वाददाता
असार २९, २०७५
raj grg samman 2

????????????????????????????????????

पोखरा, २९ असार । कर्म–कर्ण आदिवासी जनजाति पत्रकारिता पुरस्कार – २०७५ बाट पत्रकार राजबहादुर गुरुङ सम्मानित भएका छन् ।

पुरस्कारकी संस्थापक तमु धिं नेपालकी अध्यक्ष कर्मा गुरुङको ३९ औ वैवाहिक वर्षगांठको अवसरमा शुक्रबार सो पुरस्कार प्रदान गरिएको हो ।

राष्ट्रियसभा अध्यक्ष गणेशप्रसाद तिमिल्सिना, तमु धिं नेपालकी अध्यक्ष कर्मा गुरुङ, आदिवासी जनजाति पत्रकार महासंघ फोनिज कास्कीका अध्यक्ष एमबी आस्था मगरले संयुक्त रुपमा उनलाई सम्मान गरेका थिए । पुरस्कारको राशि १५ हजार रुपैयाँ नगद, सम्मानपत्र, भाङ्ग्रा, फेटा र खादाले गुरुङलाई सम्मान गरिएको थियो ।

कार्यक्रममा राष्ट्रियसभा अध्यक्ष गणेशप्रसाद तिमिल्सिनाले गण्डकी प्रदेशलाई देशकै नमुना प्रदेश बनाउनका लागि प्रदेशबासी मिलेर अगाडी बढ्नुपर्ने बताए ।

पुरस्कार संस्थापक तमु धिं नेपालकी अध्यक्ष कर्मा गुरुङले आफुले आफ्नो वैवाहिक बर्षगांठको अवसर पारी पुरस्कार वितरण गरी जनजातिहरुको आवाज उठाउने पत्रकारहरुलाई सम्मान गर्न पाउँदा निकै खुसी लागेको बताईन ।

सम्मानित व्यक्तित्व राजबहादुर गुरुङले आफ्नो सम्मान सिंगो पत्रकारिताको सम्मान भएको बताउदै पत्रकारितालाई आवाज बिहिनहरुको आवाज बनाउनु पर्नेमा जोड दिए ।

नेपाल आदिवासी जनजाति पत्रकार महासंघ (फोनिज) कास्कीका अध्यक्ष एमबी आस्थाको अध्यक्षतामा सम्पन्न कार्यक्रममा कास्कीका प्रमुख जिल्ला अधिकारी तारानाथ अधिकारी, नेपाल पत्रकार महासंघका केन्द्रीय सदस्य रामकृष्ण ज्ञवाली, आदिवासी जनजाति महासंघ जिल्ला समन्वय परिषद् कास्कीका अध्यक्ष धर्म तमु, फोनिजका सल्लाहाकार हुम गुरुङले बोलेका थिए ।

कार्यक्रममा पुरस्कृत व्यक्तिको परिचय सञ्चारकर्मी तथा पुरस्कार छनोट समितिकी सदस्य शान्ति गुरुङले गरेकी थिइन् भने पुरस्कार छनोट समितिका संयोजक सुरेन्द्र थापामगरले पुरस्कार छनोट बारेमा बोलेका थिए ।

कार्यक्रममा हालै उपअनुसन्धान निर्देशकबाट सहअनुसन्धान निर्देशकमा बढुवा भएका यम पराजुली र कास्की जिल्ला प्रहरी प्रमुख ओम रानालाई समेत स्वागत तथा सम्मान गरिएको थियो ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…