पार्टीलार्इ पुरानै ठाउँमा पुर्‍याउँछु : देउवा

Avatar राष्ट्र न्यूज सम्वाददाता
जेठ १८, २०७५
Sher-BDR-Deuba-690×388

पोखरा, १७ जेठ । नेपाली काँग्रेसका सभापति शेरबहादुर देउवाले पार्टीलार्इ पुरानै ठाउँमा नपुर्‍याई आफूले पद नछाड्ने बताएका छन् ।

सभापति देउवाले सबैभन्दा ठूलो पार्टी काँग्रेसलाई फेरि विशाल बनाएर मात्रै आफूले विश्राम लिने बताए । नेपाली काँग्रेस कास्कीको जिल्ला सम्मेलनलाई सम्बोधन गर्दै उनले समानुपातिक नतिजाबाट पार्टीसानो नभएको प्रमाणित भएको भन्दै घात अन्तर्घातका साथै बाम एकताले समेत असर परेको बताए ।

‘स्थानीय चुनावमा माओवादीसँग तालमेल भएको थियो । पछि एलायन्स तोडिहाल्यो,’ देउवाले भने, ‘पार्टीका छाडा प्रवृत्ति हावी भयो । यसमा पार्टीनिर्मम ढंगले अघि बढ्छ र कारबाही गर्छ । ताकि, अर्को पटक कोही पनि पार्टीवरुद्ध छाडा भएर अन्तर्घात नगरुन् ।’

देउवाले नेपाली काँग्रेसलाई घात अन्तरघातमुक्त पार्टीबनाउने उद्घोषसमेत गरे । पूर्व प्रधानमन्त्रीसमेत रहेका उनले संविधान कार्यान्वयनका लागि चुनावमा जानुपर्ने आवश्यकता भएको र त्यसको जिम्मेवारी आफूले पूरा गरेको बताए । आगामी दिनमा पार्टीलार्इ सुदृढ बनाउने, गाउँगाउँ जाने, जनताको दुःखसुखमा साथ दिएर पुनः इतिहासकै जस्तो पार्टीलार्इ पुनर्जीवन दिने उनको भनाई थियो । देउवाले भने, ‘दुर्इ पार्टीमिलिसक्यो । अब यसरी हुन्न ।’

वरिष्ठ नेता रामचन्द्र पौडेलले पार्टीनीति, विधिका आधारमा संचालन गर्न आग्रह गरे । उनले गुटबन्दी सबै ठाँउमा हुने भन्दै त्यसलाई व्यवस्थापन गर्नुपर्ने बताए । उनले पार्टीका लोकतान्त्रिक संस्कार हुनुपर्ने र त्यही अनुसार पार्टीलार्इ अगाडी बढाउनुपर्नेमा जोड दिए ।

काँग्रेका महामन्त्री सशांक कोइरालाले काँग्रेस आफूमै एकताबद्ध हुनुपर्नेमा जोड दिँदै अनि मात्र काँग्रेस अगाडि बढ्न सक्ने बताए ।

कार्यक्रममा नेताहरु गोपालमान श्रेष्ठ, जीवन परियार, कृष्णचन्द्र नेपाली, विष्णु लामिछाने, शुक्रराज शर्मा, यज्ञबहादुर थापा, खेमराज पौडेल, महादेव गुरुङ, देवराज चालिसे, युवराज कुँवर, देवेन्द्रकुमार शेरचन, नेपाल महिला संघकी केन्द्रीय सदस्य तारा अधिकारी लगायतले गुटउपगुटका कारण पार्टीकमजोर र निर्वाचनमा पराजित भएको बताउदै सभापति देउवा र वरिष्ठ नेता पौडेल मिल्नुपर्नेमा जोड दिए ।

काँग्रेस कास्कीका सभापति कृष्ण केसीले स्वागत एवं सचिव सुदिपमोहन भट्टराईले कार्यक्रम सञ्चालन गरेका थिए । सम्मेलनमा कास्कीका गाउँ कार्यसमिति, नगर समितिका सभापतिहरु तथा क्षेत्रीय प्रतिनिधि गरी सात सय १२ जना सहभागी छन् ।

शुक्रबार बिहानैदेखि बन्दसत्र शुरु हुने र जिल्ला कार्यसमिति कास्कीको तर्फबाट राजनैतिक, सांगठनिक र आर्थिक प्रतिवेदन पेश गरिने कार्यक्रम रहेको सचिव भट्टराईले जानकारी दिए ।

– अादर्श समाज सम्वाददाता

Related News

सम्बन्धित समाचार

  • भावी समीकरणमा कांग्रेस निर्णायक

    Avatar राष्ट्र न्यूज सम्वाददाता फागुन १३, २०७७
    नेकपा विभाजन ओलीकै कारणले मात्रै हुन सक्छ भन्ने बुझाइले देउवाले उनीसँगकै सहकार्यलाई प्राथमिकता दिँदै आएका छन् संसदीय प्रक्रियालाई अघि बढाउने…
  • कोरोना उपचारमा खटिने रित्तै, अन्यले लिए भत्ता

    Avatar राष्ट्र न्यूज सम्वाददाता फागुन १०, २०७७
    काठमाडौँ — कोरोना संक्रमितको उपचारमा संलग्न देशभरका स्वास्थ्यकर्मी सरकारले तोकेको जोखिम भत्तासमेत नपाएको भन्दै आन्दोलनमा छन् । स्वास्थ्य मन्त्रालयका पदाधिकारी र…
  • लायन्स क्लबद्वारा वृक्षरोपण

    Avatar राष्ट्र न्यूज सम्वाददाता श्रावण ४, २०७७
    पोखरा, ४ साउन । लायन्स क्लब अफ पोखरा माउन्टेन भ्युसिटिले वृक्षरोपण गरेको छ । क्लबले पोखरा १९ पुरुन्चौरस्थित धारा आधारभूत…
  • तीन तहका सरकार असफल भएको कास्कीका पाँच दलको ठहर

    Avatar राष्ट्र न्यूज सम्वाददाता जेठ २८, २०७७
    पोखरा, २८ जेठ । कास्कीका पाँच राजनीतिक दलले तीन तहका सरकार कोरोना नियन्त्रण, रोकथाम र आवश्यक व्यवस्थापनमा असफल भएको ठहर…
  • कास्की काँग्रेसद्वारा गिरफ्तार विद्यार्थी रिहा गर्न माग

    Avatar राष्ट्र न्यूज सम्वाददाता श्रावण १, २०७६
    नेपाली काँग्रेस कास्कीले मङ्गलवार विज्ञप्ति प्रकाशित गरी प्रहरीले गिरफ्तार गरेका नेपाल विद्यार्थी संघका विद्यार्थी नेतालाई तत्काल रिहा गर्न माग गरेको…