जता हे¥यो उतै आलु, यस्तै छ

Avatar राष्ट्र न्यूज सम्वाददाता
चैत्र २४, २०७४
safe_image

पोखरा, २४ चैत। नवौं राष्ट्रिय हेमजा आलु महोत्सव–२०७४ जारी छ ।

अन्य महोत्सव भन्दा भिन्न महोत्सव भएकाले पनि दर्शकहरु फरक मनोरञ्जन लिन आलु महोत्सव पुग्ने गरेका छन् ।

महोत्सवमा विभिन्न थरीका आलुका परिकारले दर्शकको मन तानेको छ। महोत्सव पस्यो कि आलु। रेष्टुरेण्ट्र छि¥यो आलुकै परिकार। स्टेज तिर हे¥यो आलुकै माला। महोत्सवमा सहभागि कलाकार पनि आलुकै गुनगान। यसैले गर्दा पनि महोत्सव दर्शकको रोजाई बनेको छ।

‘अरु मेला महोत्सव भन्दा पनि यहाँको महोत्सव भिन्न प्रकारको भएकोले पनि दर्शकहरुको चाप दिन प्रतिदिन बढेको छ’–विष्णुपादुका क्लबका अध्यक्ष रमेश कार्कीले भने–‘यहाँहरुको साथ सहयोगले नै महोत्सव सफल बन्दै गएको छ।’

                                          आलु महोत्सवमा रमाउदै दर्शक

महोत्सवको तेस्रो दिनसम्म २५ लाखको आलुको कारोवार र २५ हजार दर्शकले मेला अवलोकन गरेको महोत्सव मुल आयोजक समितिका संयोजक सुविन श्रेष्ठले जानकारी दिए ।महोत्सवमा आलुको परिकारसँगै साँस्कृतिक कार्यक्रममा पनि दर्शकले भरपूर्ण मनोरञ्जन लिएका छन्।

शनिवार प्रजापति पराजुली, पुरुषोत्तम न्यौपाने, जीवन दाहाल, बैकुण्ठ महत, सरला पाण्डे, शिवहरि ढुंगाना, माया गुरुङ र टेक क्षेत्रीको प्रस्तुति रहेको थियो।त्यसैगरी हाँस्यतर्फ शिवहरि वैरागी (सभासद्) र देविराम पराजुली (भोक लाग्यो) ले दर्शकलाई पेट मिची मिची हसाएका थिए।

आइतबार खुमन अधिकारी, कुमार पुन, सरला पाण्डे, ज्योति लाहोनी, शिवहरी ढुंगाना, सविना गुरुङ, परशुराम अधिकारी, अम्मर धितालको प्रस्तुति रहने साँस्कृतिक उपसमिति संयोजक मिलन बास्तोलाले जानकारी दिए। यसैगरी हाँस्य तर्फ पोखरेली माग्ने बुढा, धुर्मुस युवराज भण्डारी र राजेन्द्र नेपालीको प्रस्तुति रहने छ। त्यस्तै साँझ कन्सर्ट तर्फ बिनोद वाँनिया, रिनाद व्याण्ड, बबि सुनारको प्रस्तुति रहने छ।

महोत्सवमा शनिवार देखि रत्यौली प्रतियोगिता र खुल्ला एकल नृत्य प्रतियोगिता शुरु भएको छ। महोत्सव चैत ३० गते सम्म चल्ने छ।

Related News

सम्बन्धित समाचार

Trending