रिमझिम वर्षामा पनि सफाइ अभियान

राष्ट्र न्यूज सम्वाददाता
चैत्र २४, २०७४
30221908_929687173871672_5838549314929950720_n

पोखरा, २४ चैत । पोखरामा जारी बृहत सफाइ अभियान सेती नदी किनार रिठ्ठाघाटमा सम्पन्न भएको छ । रिमझिम वर्षाका बाबजुद पनि सामाजिक अभियन्ताहरु सफाइ अभियानमा जुटेका थिए ।

९७ औं हप्ताको सफाइ अभियानमा झण्डै ५ टन फोहरमैला संकलन गरिएको अभियन्ता शिवप्रसाद बास्तोलाले बताए ।

यसअघि अभियानका संयोजक रामबहादुर पौडेलले वडा नं. ११ र २० का अध्यक्ष क्रमशः मोहनप्रसाद बास्तोला र सिमबहादुर गुरुङलाई सेती नदी किनारमा अवस्थित सेती–काली दोभानघाटको (रिठ्ठाघाट) उचित व्यवस्थापन, नियमित सरसफाइ एवं पवित्रता कायम राख्नेछु भन्ने व्यहोराको प्रतिबद्धता पत्र वाचन गराई हस्ताक्षर गराएका थिए ।

कार्यक्रममा उपस्थित सहभागीलाई वडा अध्यक्ष मोहनप्रसाद बास्तोलाले सरसफाइ एवं राष्ट्रिय भावनाको शपथ गराएका थिए ।

अभियानका लागि प्रदेशसभा सदस्य मीना गुरुङले १० प्याकेट डिस्पोजल ग्लोब र पोखरा फुड कार्निभल आयोजकका तर्फबाट सजना थापाले ३ प्याकेट डिस्पोजल ग्लोब उपलब्ध गराएका थिए ।

प्रदेशसभा सदस्य मीना गुरुङले यस्तो पवित्र सामाजिक अभियानमा सरिक हुन पाएकोमा खुशी व्यक्त गर्दै अभियानको सफलताको कामना गरिन् ।

यसपटकको अभियानलाई नेपाल प्रहरी, सशस्त्र प्रहरी बल, मुक्तिनाथ विकास बैंक, ओम डेभलपमेन्ट बैंक, ड्यामसाइड टोल विकास संस्स्था, अभियान महिला समूह, माछापुच्छे« महिला क्लब, गोर्खाली रेडियो र विभिन्न क्षेत्रका सामाजिक अभियन्ताले साथ दिएको अभियन्ता अञ्जु क्षेत्रीले जानकारी दिइन् ।

कार्यक्रममा वडा अध्यक्ष सिमबहादुर गुरुङले धन्यवाद ज्ञापन गरेका थिए ।

९८ औं हप्ताको सफाइ अभियान रामघाटमा हुनेछ ।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…