‘कम्युनिष्ट भ्रम छर्ने मात्र हुन्, काँग्रेसले देश र जनताको हित गर्छ’

राष्ट्र न्यूज सम्वाददाता
चैत्र ३, २०७४
congress

पोखरा, ३ चैत। कम्युनिष्टले जनताका माझमा भ्रम सृजना मात्र गर्ने भएकाले काँग्रेसले नै जनताको हितमा काम गर्नुपर्नेमा नेता तथा कार्यकर्ताले जोड दिएका छन् ।

नेपाली काँग्रेस क्षेत्र नं. ३ कास्कीले हेमजामा शुक्रबार आयोजना गरेको प्रदेश ‘क’ स्तरीय कार्यकर्ता भेलामा बोल्ने नेता तथा कार्यकर्ताले सो कुरामा जोड दिएका हुन्।

कार्यक्रममा प्रमुख अतिथि नेपाली काँग्रेसका नेता शुक्रराज शर्माले काँग्रेसका उम्मेदवारले छाँया सरकारको भूमिका निर्वाह गर्नुपर्ने बताए ।

‘काँग्रेसले टिकट चुनाव लड्नका लागि मात्रै दिएको होइन्’–उनले भने–‘चुनाव जितेकाले नीति तथा कार्यक्रम ल्याउने र हारेकाले जनताका कार्यक्रम लिएर पाँच वर्ष काम गर्नुपर्दछ।’

निर्वाचनमा के भयो भन्दा पनि अव कसरी काँग्रेसलाई जनता माँझ अझ शशक्त बनाएर लैजाने त्यस तर्फ सोच्नु पर्ने उनको भनाइ थियो।

नेपाली काँग्रेसका नेता खेमराज पौडेलले काँग्रेस हारेपनि विचराले जितेको हुदाँ अव जनतामाँझ स्पष्ट खाका लिएर जानुपर्ने उल्लेख गरे।

पूर्वसांसद शारदा पौडेलले काँग्रेस एक भएर लाग्नु पर्ने वेला आएको बताइन्।

महासमिति सदस्य रामचन्द्र त्रिपाठीले काँग्रेसका हरेक संगठन संगठित गरेर लानु पर्ने बताए।

नेपाली काँग्रेस कास्कीकी कोषाध्यक्ष लक्ष्मी पाण्डेले जनताका हरेक दुःख सुखमा काँग्रेसले साथ दिनु पर्ने बताइन्।

कार्यक्रममा नेपाली काँग्रेसकी महासमिति सदस्य हरिमाया गुरुङ, जिल्ला सदस्य अम्मरबहादुर कार्की ‘अनिल’, विष्णुबहादुर क्षेत्री, शंकर ढुंगाना, किसान संघ कास्कीका सभापति भेषराज पराजुली, नेपाल तरुण दल कास्कीका अध्यक्ष मनोज गुरुङ, डा. यमनाथ तिमिल्सिना, नेपाल महिला संघ क्षेत्र नं. ३ कास्कीकी सभापति खेमकुमारी गुरुङ, माछापुच्छ«े गाउँपालिका संयोजक मधुसुदन अधिकारी, माछापुच्छ«े गाउँपालिका वडा नं. १ का सभापति भीमबहादुर गुरुङ, २ का सभापति गुञ्जमान गुरुङ, ७ का सभापति शुकबहादुर गुरुङ, पोखरा लेखनाथ–१९ का सभापति महेश्वर पौडेल, १८ का सभापति शिव तिमिल्सिना, १ का सभापति टंकनाथ पौडेल, २५ का सभापति मधुसुदन त्रिपाठीले बोलेका थिए।

नेपाली काँग्रेस क्षेत्र नं.३ कास्कीका सभापति पोषनाथ शर्माको अध्यक्षतामा भएको कार्यक्रममा उपसभापति कमलबहादुर गुरुङले स्वागत र सचिव खिमलाल बाँस्तोलाले कार्यक्रम सञ्चालन गरेका थिए। शनिवार प्रदेश ‘ख’ को कार्यकर्ता भेला नागडाँडामा हुने भएको छ।

Related News

सम्बन्धित समाचार

  • महिला पुरुष सचेतना कार्यक्रम

    राष्ट्र न्यूज सम्वाददाता माघ १७, २०७९
    पोखरा, १७ माघ । लैगिंक हिंसा विरुद्ध पुरुषहरुको ऐक्यवद्धता महिला पुरुष सचेतना कार्यक्रम पोखरा महानगर वडा नम्वर ७ मा सम्पन्न…
  • संस्थापक अध्यक्ष पौडेलको स्मृतिमा अक्षय कोष स्थापना गरिने

    राष्ट्र न्यूज सम्वाददाता माघ ९, २०७९
    पोखरा, ९ माघ । नेपाल पत्रकार महासंघ गण्डकी प्रदेश समितिले संस्थापक अध्यक्ष स्वर्गीय त्रिभुवन पौडेलको स्मृतिमा अक्षयकोष स्थापना गर्ने भएको…
  • विविध कार्यक्रम गरी राष्ट्रिय वाणिज्य बैंक ४८ औं वार्षिकोत्सव मनाउँदै

    राष्ट्र न्यूज सम्वाददाता माघ ४, २०७९
    पोखरा, ४ माघ । राष्ट्रिय वाणिज्य बैंक लिमिटेडको ५८ औं वार्षिकोत्सवका अवसरमा विविध कार्यक्रम गरिएको छ । विविध कार्यक्रम अन्तर्गत…
  • शव कुर्दै आफन्त

    राष्ट्र न्यूज सम्वाददाता माघ २, २०७९
    पोखरा, २ माघ । पोखरा स्वास्थ्य विज्ञान प्रतिष्ठान(पश्चिमाञ्चल क्षेत्रीय अस्पताल) परिसर विगत दुई दिन देखि शोकमा डुबेको छ। पोखरामा आइतबार…
  • आँखा शिविरबाट दुई सय २० जना लाभान्वित

    राष्ट्र न्यूज सम्वाददाता पौष २७, २०७९
    पोखरा,२७ पुस । लायन्स क्लब अफ पोखरा लेकसिटी तथा दृष्टिविहीन कल्याण संघ कास्कीको संयुक्त आयोजनामा पर्वत जिल्ला कुश्मा नगरपालिकाको शिवालय…