पोखरा, १७ फागुन। पहिलो वार्षिकोत्सवको अवसरमा स्वतन्त्र विद्यार्थी युनियन जनप्रिय क्याम्पसले आयोजना गरेको चार दिवसीय कार्यक्रम अन्र्तगत तेस्रो दिन बिहीबार सहयोग गरिएको छ।

स्ववियुले स्याङ्जाको फेदीखोलास्थित अमोरा केन्द्रद्वारा संचालित बालगृह र कालाभैरव माविमा अध्ययनरत दृष्टिबिहीन विद्यार्थीलाई सहयोग गरेको हो।

बालगृहलाई १० वटा कुर्ची र फलफुल तथा दृष्टिबिहीन विद्यार्थीलाई शैक्षिक सामाग्री र फलफुल सहयोग गरिएको थियो ।

स्ववियु सभापति आशिक गुरुङ, उपसभापति किसान थापा र सहसचिव रन्जता रेग्मीले सहयोग प्रदान गरेका थिए ।

चार दिवसीय कार्यक्रम अन्र्तगत पहिलो दिन मङ्गलबार रत्नचोकदेखि एयरपोर्टसम्म सरसफाई र दोस्रो दिन रक्तदान गरिएको थियो ।

चौथो दिन शुक्रबार मूल समारोह गरिने कार्यक्रम संयोजक समेत रहेकी स्ववियु सहसचिव रन्जता रेग्मीले जानकारी दिईन् । समारोहलाई काँग्रेस नेता एवं पूर्वमन्त्री गगन थापाले सम्बोधन गर्ने छन् ।