वीरेठाँटीको फाल्गुण पूर्णिमा मेलाको तयारी पूरा

राष्ट्र न्यूज सम्वाददाता
फागुन १५, २०७४
mela

पोखरा, १५ फागुन। विरेठाँटी युवा परिवार अन्नपूर्ण गाउँपालिका–८ कास्कीले आयोजना गर्न लागेको फाल्गुण पूर्णिमा मेला–२०७४ को तयारी पूरा भएको छ।

मेलाको सम्पूर्ण तयारी पूरा भएको छ वीरेठाँटी युवा परिवारका प्रमुख सल्लाहकार देवेन्द्रकुमार शेरचनले भने – ‘मेलालाई सभ्य र भव्य बनाउन विरेठाँटीबासि लागेका छन्।’

स्थानीय वीरेठाँटी माविको प्राङ्गणमा फागुन १७ देखि शुरु हुने मेला २१ गते सम्म चल्ने छ।

खेलकुदको पहुँचबाट बन्चित युवाहरुलाई विभिन्न खेलकुदमा संलग्न गराउँदै अन्तरनिहीत क्षमता प्रस्फुटन गराउनुको साथै साँस्कृतिक संरक्षण र प्रवद्र्धनमा युवाहरुको ध्यान केन्द्रीत गराउन मेला गरिएको संयोजक टेकबहादुर गुरुङले बताए ।

मेलामा पुरुष भलिबल प्रतियोगिता, महिला भलिवल प्रतियोगिता, छेलो हान्ने, रसि तान्ने लगायतका प्रतियोगिता समावेश गरिएको छ। त्यसैगरी सहुलियतमा क्यानोनिङको व्यवस्था गरिएको छ भने मैत्रीपूर्ण परम्परात तारो खेल पनि गरिने छ।

पुरुष भलिबल तर्फ प्रदेश नं. ४ मा रहेका गाँउपालिका अन्तर्गत वडा स्तरीय र महिला भलिबल क्लब स्तरीय गरिएको छ। प्रतियोगितामा एक वडा बाट दुई टिमसम्म सहभागि हुन पाउने छन्।

टिम दर्ता गराउने क्रम जारी रहेकोभन्दै प्रतियोगितामा सहभागिता लागि बुधबारसम्म टिम दर्ता गराउन युवा परिवारले आग्रह गरेको छ।

प्रतियोगितामा पुरुष भलिबल तर्फ प्रथम हुने टिमलाई एक लाख एक सय ११, दोस्रो हुनेलाई ५० हजार पाँच सय पाँच, तेस्रो हुनेलाई २० हजार दुई सय २० सहित प्रमाण पत्र, मेडल र शिल्ड प्रदान गरिनेछ।

महिला भलिबल तर्फ प्रथम हुनेलाई २१ हजार एक सय २१, दोस्रो हुनेलाई ११ हजार एक सय ११ सहित प्रमाणपत्र, मेडल र शिल्ड व्यवस्था गरिएको छ।

त्यस्तै, छेलो हान्ने तर्फ प्रथम र द्वितियलाई फेता, भाङ्ग्रा र प्रमाणपत्र तथा रसि तान्नेमा प्रथम हुनेलाई जंगी भाले सहित प्रमाणपत्र र दोस्रो हुनेलाई भाले सहित प्रमाणपत्र दिइने छ।

मेलाको आकर्षणका रुपमा ख्यातीप्राप्त कलाकारहरुको लोकदोहोरी तथा विविध साँस्कृतिक कार्यक्रम र चर्चित हाँस्य कलाकारको मनोरञ्जनात्मक कार्यक्रम रहने छ।

मेला सम्पन्न गर्नका लागि करिब १६ लाख २० हजार खर्च लाग्ने अनुमान गरिएको छ।

Related News

सम्बन्धित समाचार

  • सच्चाइमा सम्मान

    राष्ट्र न्यूज सम्वाददाता असार १९, २०७९
    पोखरा, १९ असार । ईश्वरीय मार्ग भजन मण्डल सच्चाइ केन्द्र नेपाल पोखरा १३ काँहुखोला शाखाले शनिवार सम्मान कार्यक्रम गरेको छ…
  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…