प्रदेश प्रमुख कुँवर र सांसदलाई बारको सम्मान

राष्ट्र न्यूज सम्वाददाता
फागुन ११, २०७४
bar 1

पोखरा, ११ फागुन । पोखरा उच्च अदालत बार एशोसिएसन र कास्की जिल्ला बार एशोसिएसनले संयुक्त रुपमा प्रदेश ४ का प्रमुख बाबुराम कुँवर सहित सांसद बिन्दुकुमार थापा र राजीव पहारीलाई स्वागत तथा सम्मान गरेको छ ।

पोखरा उच्च अदालत बार एशोसिएसनको सभाहलमा भएको कार्यक्रममा उच्च बारका अध्यक्ष दयाराम गौतम र जिल्ला बारका अध्यक्ष सोम श्रेष्ठले उनीहरुलाई सम्मानपत्र हस्तान्तरण गरेका हुन् ।
प्रदेश ४ का प्रमुख कुँवर नेपाल बारका सदस्य हुन् भने सांसद थापा र पहारी उच्च बार एशोसिएसनका सदस्य हुन् ।

कानुन क्षेत्रबाट आएका प्रदेश प्रमुख कुँवर र सांसदद्धयलाई सम्मान गर्न पाउँदा कानुन व्यवसायीको गरिमा बढेको पोखरा उच्च बारका अध्यक्ष दयाराम गौतमले बताए ।

कार्यक्रममा प्रदेश प्रमुख कुँवरले संविधानमा उल्लेख भएअनुरुप प्रदेशमा थुप्रै कानून निर्माण गर्नुपर्ने अवस्था आएकोले विधायकहरुले भूगोल हेरेर पनि कानून निर्माण गर्नुपर्ने बेला आएको बताए ।

उनले संघीयताको संस्थागत विकासका लागि बार जस्ता सरोकारवाला निकायको भूमिका महत्वपूर्ण हुने बताए । उनले स्वाधीनता, जनसेवी र राजश्वमैत्री लगायत कानून निर्माण गर्नुपर्नेमा जोड दिए ।
उनले न्यायपूर्ण समाज निर्माणका लागि विधिको पालना अपरिहार्य रहेकोले कानून व्यवसायीलाई सेतूको भूमिका निर्वाह गर्न आग्रह गरे ।

सांसद बिन्दुकुमार थापाले विकासका लागि दल र पार्टीभन्दा माथि उठी कानून बनाउनुपर्नेमा जोड दिए।

सांसद राजीव पहारीले प्रदेश ४ लाई समृद्धि र नमूना प्रदेश बनाउनुपर्ने बताए ।

उक्त समारोहमा वरिष्ठ अधिवक्ता कृष्णबहादुर थापा, हरि सुवेदी, काउन्सिलका सदस्य मोहननाथ कोइराला, बारका पूर्व अध्यक्ष खगेन्द्रराज आचार्य, अधिवक्ता कृष्णकुमारी गुरुङ, जिल्ला बारका अध्यक्ष सोम श्रेष्ठ लगायतले बोलेका थिए ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…