लायन्स चौतारीद्वारा सेतो छडी वितरण

Avatar राष्ट्र न्यूज सम्वाददाता
फागुन २, २०७४
chautari

पोखरा, २ फागुन । लायन्स क्लब अफ पोखरा युनाइटेड चौतारीले दृष्टिबिहीनहरुलाई सहयोग स्वरुप बुधबार सेतो छडी वितरण गरेको छ।

क्लबले पोखरा लेखनाथ महानगरपालिका वडा नं १७ स्थित दृष्टिबिहीन सहयोग तथा स्वरोजगार नेपाल कास्कीमा रहेका ३० जना दृष्टिबिहीनलाई सेतो छडी वितरण गरेको हो।

कार्यक्रममा ३२५ बी वान नेपालका जोन चेयर पर्सन ई. सुरेन्द्र पौडेल सहित क्लवका पदाधिकारी एवं सदस्यहरुले सेतो छडी वितरण गरेका थिए।

सो संस्था ओझेलमा परेकाले सवैको ध्यानाकर्षण गराउन त्यहाँका दृष्टिबिहीनलाई सेतो छडी वितरण गरिएको क्लबका अध्यक्ष शान्तबहादुर थापाले जानकारी दिए। कार्यक्रमको संयोजन शिवबहादुर कार्की र राजु राईले गरेका थिए।

कार्यक्रममा जोन चेयर पर्सन ई. सुरेन्द्र पौडेलले अपाङ्गताप्रतिको दृष्टिकोणमा परिवर्तन ल्याउँदै सकारात्मक सहयोग गर्नुपर्नेमा जोड दिए।

दृष्टिबिहीन सहयोग तथा स्वरोजगार नेपाल कास्कीमा सल्लाहाकार संयोजक कृष्ण भुजेलले संस्थाको अवस्था दयनिय रहेकाले सहयोग गर्न सवैलाई आग्रह गरे।

त्यसअवसरमा कमिटी चेयर पर्सन राजु श्रेष्ठ, कमिटी मेम्बर एमजेएफ कमल बस्नेत, दृष्टिबिहीन सहयोग तथा स्वरोजगार नेपाल कास्कीकी अध्यक्ष मिनाकुमारी थापा र अपाङ्गता मैत्री समाज कास्कीका अध्यक्ष सन्त परियारले बोलेका थिए।

लायन्स क्लब अफ पोखरा युनाइटेड चौतारीका अध्यक्ष शान्तबहादुर थापाको अध्यक्षतामा भएको कार्यक्रममा प्रथम उपाध्यक्ष सुकबहादुर गुरुङले स्वागत र सचिव सुरेन्द्रराज गिरीले संचालन गरेका थिए।

Related News

सम्बन्धित समाचार

Recent News

Trending

ट्रेन्डिङ्ग