पोखरा, २६ माघ। राष्ट्रिय सभा सदस्य बिन्दादेवी आले रानाले आफुलाई निर्वाचित गराउने मतदातालाई धन्यवाददिदै आभार व्यक्त गरेकी छन्।

यहि माघ २४ गते पोखरामा सम्पन्न प्रदेश नं ४ को निर्वाचनबाट काँग्रेस नेतृ राना राष्ट्रिय सभा सदस्यमा निर्वाचित भएकी थिईन्।

तपाईहरुको अमूल्य मतबाट निर्वाचित भएकी छु उनले भनिन् – ‘तपाईहरुको मतको सदैव उच्च मूल्यांकन गरी देश र जनताको हितमा लागिरहने छु।’

उनले नेपाली काँग्रेसका नेता, निर्वाचनको व्यवस्थापनमा खट्ने नेता तथा कार्यकर्ता र निर्वाचन सफल बनाउन सहयोग गर्ने सवैप्रति धन्यवाद व्यत्त गरेकी छन्।

उनी निर्वाचित भएपछि उनलाई नेता तथा कार्यकर्ता र शुभेच्छुकहरुले बधाई दिने क्रम जारी छ।

राष्ट्रिय सभा सदस्य राना कास्की निवासी हुन्।